#القلب_يعشق_كل_جميل
#الجزء_الاول
الخير.........
بذرة مدفونة بكل واحد فينا
في ناس بتستغل هالبذرة و بتسقيها بالمحبة و مساعدة الناس و بث الامل فيهن...حتى يتحولو لكتلة من الايجابية و السلام وشعاع من الحب
وبالطرف التاني.....
في ناس بتندفن فيها بذرة الخير لاقصى حد....حتى تكاد تختفي ومابقا تبين...بينحطو بتربة جافة...بارض بور
مابتنبت فيها الا الاشواك...و الصبار
بس بالنهاية حتى الصبار......قلبو طيب...للشخص يلي بيقاوم كل اشواكو وبيوصل لقلبو
___________
#القلب_يعشق_كل_جميل
سهيروهيه عم تتشدق بالعلكة)يلا يابنات اليوم السهرة مااااكنة....ابو طلال بذاتو جاية ينورنا يلا...زبطولي هالبيت على زوقكن
الصبايا:حاضر سوسو
سهير:ريمي....تعالي بدي ياكي
ريمي:امرك سوسو خانم
سهير:بعتت لابوكي المعلوم تبع هالشهر
ريمي:يسلمو ايديكي
سهير:جهزيلي حالك....ابوطلال طالبك بالاسم
ريمي:بس سوسو انتي بتعرفي وضعي.....
سهير:اي سكتي سكتي بلا وضعك بلا وضعي...لازم تكسريلي حاجز الخوف تبعك...صرلك سنتين عندي و لهلأ ماحدا قرب منك....و عم تمشيها بالمنوم...بس هلا ابو طلال غير...طالبك بالاسم...ومابدو مشروب بكل السهرة...يعني بدك تجهزيلو حالك ماعندك مهرب
ريمي:و اذا ماقبلت
قامت سهير من مكانها والاساور عم ترن بايديها وشدت ريمي من شعرا وصرخت
سهير:بزتك برا زتة الكلاب....خلي ابوكي العربيد ينفعك
ومرت ابوكي خليها تحواكي...لشوف رح تحوي وحدة متلك....خريجة هيك بيوت؟؟؟؟
ريمي(تبكي)خلص....خلص يلي بدك ياه بس تركي شعري
تركتها و رجعت قعدت ولفت رجل ع رجل ومسكت خصلة من شعرا ولعبت فيها
سهير:هيك بدي ياكي....يلا روحي زبطي امورك يلا
ريمي(بنبرة حزن)حاضر
______________
(اندق الباب)
اوس:تفضل
رندا:اوس ماتنسى تجهز حالك اليوم المسا طالعين
اوس:مالي نسيان.....طلعي انتي و جمال بسيارة و انا رح اطلع بسيارة
انزعجت رندا من اقتراح اوس بس حاولت تكتم غيظها
رندا:وليش مانطلع انا و انت بسيارتك و جمال بسيارة
اوس:لان بدي امرق عالبيت اول...انتو طلعو من هون
رندا:طيب متل مابدك
اوس:طيب....انا طالع هلأ منلتقي المسا
رندا:الله معك
بعد ماطلع اوس رمت حالها عالكرسي و تنهدت
رندا:اااااه.....تقل حالك اوس افندي....ياواد ياتقيل(ابتسمت) يؤبرني شو بحبو
_____________
كانت واقفة عالمراية و عم تضيف اخر لمسة على شعراتها و مكياجها....رشت من عطرا الغالي و صرخت
سهير:وليه ريتا!
ريتا:نعم سوسو خانم
سهير:فوتي شوفيلي ريمي عرفانة تزبط حالها....هي جدبة مابتعرف تتصرف
ريتا:سوسووو خليني انا لابو طلال الله يخليكي
طلعت سهير فيها بقرف
سهير:روحي من خلقتي...رح يطلع فيكي على اساس...روحي شوفي ريمي وماعليكي
ريتا:حاااضر
راحت ريتا لغرفة ريمي نقرت عالباب و دخلت
ريتا:ههههههههه شوهااااد.....شولابسة
ريمي:سكتي دخيلك هاد سهير عطتني ياه
ريتا:سبعي تمك و الله ماتسمعك عم تقولي سهير لتنتفك
ريمي:اييي سوسو خربطنا
ريتا:حاولت تخليني بدالك مارضيت
ريمي:معلش حبيبتي...(تنهدت)الا ما الله يلاقيلي مخرج من هالليلة
ريتا:نيالك يا ريمي قلبك شو نضيف...رغم شغلتنا الوسخة بس قلبك لسا نضيف
ريمي:هه يلي بيسمعك بيسدئ ها
ريتا:انا هيك شايفة
ريمي:ياااستي نشالله يكون قلبي نضيف
اجا صوت سهير من برا وهيه عم ترحب بأبو طلال
كانت عم تمشي وتتمايل والخلخال عم يرن برجلا والعلكة بتما و ريحة عطرا موصلة للمريخ
سهير:اهلا وسهلا بالغالي
ابوطلال:اهلين...اهلين بست الكل...احلا سوسو بالدنيا
قربت وبوستو من خدودو
سهير:زمان ماجيت لعنا
ابوطلال:قلت لحالي بتكوني قنعتيلي القمر يلي عندك بهالفترة يلي غبتا
سهير(غمزتو)ماتاكل هم....جهزتلك ياها على زوقك
طالع من جيبو رزمة مصاري وحطلا ياها بإيدا
ابوطلال:هي حصتك...(غمزا)ماعدا المعلوم
سهير:كبير....من يوم يومك كبير...تفضل لنشرب كاس خفيف بينما تجهزلك العروس(مالت عليه وضحكت هديك الضحكة يلي بترن رن)ههههههههههه
ابو طلال:والله مافي غيرك عروس
سهير:هههههه.....تحت امرك انا....تفضل لجوا مايصير تضل واقف هيك
______________
رجاء(ام اوس)لك امي وين طالع بهالليل
اوس:لازم اطلع جولتي الاسبوعية امي
رجاء:لك ابني حاج تحمل حالك هم العالم الله يخليك
اوس:امي....بترجاكي هاد شغلي وانا مبسوط فيه...والناس عم تحبني وانا كل همي ساعد هالمعترين المرميين بالشوارع لا اكل ولا ملبس ولا مأوى
رجاء:الله يرضا عليك...والله انت بذرة خير..مو متل المغضوب
اوس:لاتقولي مغضوب...ترضي عليه اكيد هو بحاجة رضاكي
رجاء:الله يرضا عليك و عليه يارب
اوس:بلا بخاطرك امي
رجاء:الله معك
باس راس امه وطلع من البيت....طلع بسيارتو و طلب رقم جمال
اوس:اي جمال وين انتو؟...........طيب...تمام...خليكن بالشارع يلي انتو فيه انا رح روح عالمنطقة الشمالية صرلنا فترة ماعملنا جولة فيها.....اوك....مع السلامة
توجه اوس بسيارتو للمنطقة الشمالية يلي في فرق نص ساعة بين بيتو وبينها........
___________
سهير:تفضل ابو طلال....ريمي ناطرتك
ابوطلال:يلا.....عن اذنك ياقمر
سهير:هههههه مع السلامة
دخل ابو طلال عغرفة ريمي...كانت قاعدة عالتخت ولابسة الروب القصير يلي عطتا ياه سهير....حاطة اديها بحضنا وعم ترجف من خوفها...رجال بعمر جدا فايت عليها...عيونو عم تشع شهوة مقرفة...قرب منها...وطى لعند رجلا وطالع من جيبة جاكيتو خلخال دهب ولبسا ياه
ابو طلال:هاد احلا من خلخال سوسو خانم
ريمي_____
رفع رجلها لعند وجهو وباسها...هيه ارتعشت من الخوف وسحبت رجلها من ايدو
ابوطلال:بحب شوف الخلخال عالرجلين الحلوة...متل رجليكي
وقف وانحني ليقرب منها....رجعت لورا و هربت على زاوية الغرفة
ريمي(بارتباك ورجفة بالحكي)ااااابو طلال....اانت مابتعرف شي
شلح جاكيت الطقم...فك الكرافة وشلح القميص...وبلش يقرب منها
ابوطلال:عرفيني ياحلوة عرفيني
ريمي:بببعد عني....بببعد عني عم قلك
حصرها بالزاوية و حاول يبوسها....نفدت من تحت ايديه وهربت لجنب البيرو سحبت الفازة يلي كانت مصمودة و رفعتها بوجهو
ريمي:اوعى تجرب تقرب عليي ها....اوعى
ابوطلال:هاتي هالفازة من ايدك وتعي نحكي كلمتين...يلا ياحلوة...قلبي نطف عليكي
ريمي:عم قلك اوعى تقرب!!!!
ابوطلال:شوفي وليه...انا صبري بلش ينفذ ها....تعي لهون
ريمي:بعد عنيييي!!!
ابوطلال(بانفعال)اييي تعييي لهون لقللللك
سحب الفازة من ايدها ورماها عالارض وانكسرت...مسك ريمي من ايدها بقوة وزتها عالتخت..ولما اجا ليقرب منها طلع صوت صرخة سهير من برا
سهير:هربووو يا بنااااات....هربوووووو....الشرطة هوون
هرووب يا ابو طلال بسسرعة
طلع ابو طلال بريمي وفنجر عيونو
ابوطلال:يخرب بيتك شو وشك نحس يخرب بيتك وين بدي انقلع هلأ
رفستو ريمي على بطنو خلتو يوقع عن التخت وهو عم يتلوى من الوجع
ريمي:على جهنم الحمرا!!!!!!
قامت من التخت و طلعت حواليها....وين بدا تهرب...الشرطة صارت بالبيت...ضربت عينها عالشباك...فتحتو وطلعت لتحت...البيت طابق تاني مو كتير عالي...والشباك بيطل عزقاق ديق بين البنايتين...مارح يخطر للشرطة تدور فيه....بدون تفكير بشو ممكن يصير قعدت على طرف الشباك و رمت حالها لتحت....وبعد دقايق كانت الشرطة داخلة عالغرفة و قابضين على ابو طلال متلبس...فتشو الغرفة عن حدا معو بس مالقو حدا...ومن حظ ريمي انو جلايل الشباك ارتخو لوحدن بعد ما رمت حالها.... وابو طلال من وجعو ما انتبه يدل الشرطة وين هربت
_______________
ركن اوس سيارتو على جنب الشارع و نزل يتفتل على رجليه على امل يلاقي مشرد جديد ينقذو و ياخدو على مؤسستو الخيرية للمشردين و العجزة......وهو ماشي بين البنايات شاف سيارات الشرطة واقفين جنب بناية...كمل طريقو اجتنابا للمشاكل....بس تفركش بحجر خلا ينتبه لصوت انين طالع من زقاق معتم....بسرعة ضوا فلاش موبايلو وقرب....شاف بنت بفستان قصير و مشلح
الدم نازل من رجلها وعم تئن
اوس:مين انتي...وشو عم تعملي هون؟
ريمي(تبكي)انا....انا..ببوس ايدك ساعدني ببوس ايدك
طبعا اوس متعود على مساعدة الناس بس مو هيك
قرب خطوة باتجاهها بعدين تردد لحظة كأن عم يفكر
ريمي:طفي ضو موبايلك بترجاك .......الشرطة هون اذا ماساعدتني رح ياخدوني
طفا الفلاش وخطر ببالو تكون سارقة و هربانة مافكر بشي تاني
اوس:طيب شو عاملة؟
ريمي:كرمال الله اذا مابدك تساعدني روح من هون ولاتخليهن ينتبهو عليي
اوس:مبلا.....رح ساعدك...بس خلينا ننطر دقيقة لتمشي سيارات الشرطة....لاتطالعي صوت رح شوف شوصار
وقف اوس بنهاية الزقاق ولزق جسمو بالحيط....وراقب كيف عناصر الشرطة جارين معهن اكتر من 5 نسوان
مكلبشين و لابسين تياب مابتنظر....واخر شي صدمو كتير...منظر الرجال يلي ساحبو العنصر و مشيتو بطيئة
كأنو عم يتوجع...وبسبب بطئ مشيتو قدر يميز ملامحو منيح......شعور الاحتقار كبر جواتو كتير وتوضحت صورة ريمي بنظرو....هيه من بنات هاد البيت وهربت من الشباك قبل ماتلقطها الشرطة
اندفع تجاهها بلحظة وهو معصب مسكها من ايدها وكان رح يقومها
ريمي(انت بصوت مبحوح)ااااه...شورح تعمل؟
اوس:بدي سلمك للشرطة خليكي تتعاقبي متل رفقاتك
ريمي(تبكي)ببوس ايدك....ببوس رجلك...انا والله مالي متلهن والله....انا نجبرت...نجبرت صدقني نجبرت
رق قلبو لحالها وماعرف شو الشي يلي خلاه يترك ايدها
ويستجيب لرجائها و يشيل فكرة تسليمها للشرطة من راسو.....يمكن منظر الدم يلي عم ينزل من رجلها...او حالتها الصعبة...ماعرف يحدد شو اللي خلاه يصدقها
اوس:طيب.....طيب مارح سلمك...صبري شوي لتمشي السيارات وبعدها رح اخدك من هون
ريمي:مابدي شي بس عطيني قطعة تياب استر جسمي و رميني على شارع عام و انا بدبر حالي
اوستنهد)طولي بالك انا بعرف شو بدي اعمل
بعد دقايق مشيت سيارات الشرطة بعد ماختمو البيت بالشمع الاحمر....مجرد ما تاكد اوس من مغادرتهن مشي باتجاه ريمي....انحني وحملها بين ايديه وراح على سيارتو يلي كانت بتبعد كم متر
حطها بالسيارة و راح فيها على المؤسسة تبعو....قبل مايوصل دور كتير على اي محل ملابس كرمال يشتري قطعة يسترها
فيها....بس وين رح يلاقي بهالوقت المتأخر
قرر يعطيها شي من عندو بينما يعرف شوبدو يعمل معها
ريمي يلي كانت حالتها بالارض....الم جسدي و نفسي
كل الطريق عم تبكي ومانشفت دموعها
اوس:خلص اهدي....لابقا تبكي
ريميتبكي)انا ضعت.....خلص ضعت
وقف السيارة و طلع فيها نظرات عميقة كأن عم يحاول يكتشف اعماقها ويدور فيها عن هويتها
اوس:انتي ماضعتي....عتبري حالك وصلتي لبر الامان
هالكلمة خلتها توقف بكا وتطلع فيه باستغراب....امان!!!!
يمكن بحياتها ماعرفت معنى هالكلمة
ريمي:ششو..شوقصدك!
اوس:يعني خلص....انتي وصلتي لبر الامان...ماتخافي من شي
ريمي:ممما فهمت
اوس:قبل شي خليني عرفك عن حالي.....انا الدكتور اوس...عندي مؤسسة خيرية للمشردين...رح اخدك عليها وتقعدي فيها بينما اعرف قصتك
ريمي:مشردين؟؟؟يعني انا مشردة هلأ؟
اوسابتسم)لا...انتي مومشردة...بس ماعندي مكان حطك فيه غير المؤسسة....وبس اقدر اوصل لاهلك باخدك لعندن
ريمي(بذعر)لا....لا اهلي لا....اهلي لا بترجاك...بعيش بالشارع ولابروح لعند اهلي
اوس:طيب....اهدي شوي مارح يصير شي غصب عنك
هلأ رح طالع من صندوق السيارة علبة الاسعافات الاولية كرمال شوف جرحك.....بضمدلك ياه وبجبلك قطعة تياب من بيتي وبعدا باخدك عالمؤسسة شوقلتي؟
ريمي:انت ليش عم تساعدني؟
اوسابتسم)لاني بحب ساعد الناس
نزل من السيارة وطالع علبة الاسعافات الاولية...راح على مقعدها و فتحت الباب وطلب منها تبرم لعندو وتطالع رجليها لبرا كرمال يشوف الجروح
اوس:القزاز غارز برجليكي
ريمي:بعرف
اوس:ليش ماخطرلك تلبسي برجلك قبل ماتنطي هيك
تزكرت كل الموقف يلي خلاها تنط...وابو طلال ولمساتو الوسخة...شريط انعاد ادام عيونها وخلاها ترجع تبكي
اوس:خلص انا اسف ماقصدت....خليني شيل القزاز من رجلك
طلع برجلها يلي لابسة فيها الخلخال.....مسكها كرمال يحطها على رجلو ويشيل القزاز....ارتعشت من لمستو و شدت رجلها من الخوف
اوس:ماتخافي...مارح ائذيكي...مدي رجلك
استجابت لكلامو ومدت رجلها....كان مقرفص عالارض
سند رجلها على رجلو....فك الخلخال وحطو بعلبة الاسعافات.....تناول ملقط وبلش يشيل قطع القزاز
وهيه عم تئن مع كل حركة....قطب جرح ولفو بالشاش
والرجل التانية....عقم جروجها و ضمدهن
رجع على مقعدو بعد ماخلص.....وراح على بيتو.....نزل لدقايق و رجع حامل شنتة صغيرة....
اوس:تفضلي....هي الشنتة فيها كم قطعة تياب من تيابي
ماعندي اخت او زوجة اعطيكي من عندا....رح اطفي ضو السيارة و اطلع انطرك برا شوي....غيري تيابك وبس تخلصي ناديلي...لان مافيني اخدك عالمؤسسة بهالفستان
ريمي:عنجد....بتشكرك من قلبي...عنجد
اوس:خلي الشكر لبعدين....غيري بسرعة مابدي اهلي ينتبهو
طلع وتركها بالسيارة...فتحت الشنتة وطالعت بيجاما وكنزة....ابتسمت ابتسامة خفيفة...كيف رح يطلعو تيابو عليها وهو اد حجمها على مرتين....وبسرعة شلحت الفستان و رمتو عالمقعد الخلفي و لبست البيجاما و طوت كمامها و رجليها حتى ناسبت مقاسها....نقرت عالبلور حتى ينتبه بس لان كان واقف بعيد و عاطيها ضهرو ما انتبه....فتحت باب السيارة ونادتلو بصوت واطي...حتى انتبه واجا بسرعة....شغل السيارة و انطلق عالمؤسسة بدون مايطلع فيها ولا ينتبه لشكلها
قبل ماينزلو من السيارة تناول منديل و عطاها ياه
اوس:مسحي المكياج عن وجهك
ريمي:حاضر
مسحت كل المكياج عن وجها وطلعت فيه عم تستنا الامر يلي بعدو
طلع فيها من فوق لتحت...كيف بدو يعطي ايحاء انها مشردة
اوس:نكتي شعرك
ريمي:نعم؟
اوس:نكتي شعرك موشايفة كيف ناعم....منظرك مابيوحي بالتشرد ابدا
ريمي:طيب حاضر
نزلت راسها و نكتت شعرا بايدها ونفضتو لفوق وطلعت بأوس يلي كان عم يضحك على منظرها كيف صار
اوس:هيك تمام.....شو اسمك؟
ريمي:ريمي....اسمي ريمي
اوس:اديش عمرك؟
ريمي:17 سنة
اوسهز براسو)طيب.....يلي صار الليلة سر بيناتنا...مابتجيبي سيرة لحدا...واذا حدا سألك من المؤسسة بتقولي اني لقيتك جنب حاوية ماااابتجيبي سيرة شي ها
ريمي:طيب...حاضر
اوس:يلا ننزل....فيكي تمشي ولا احملك
ريميبخوف)لا لاتحملني....بمشي لحالي
اوس:يلا تفضلي
دخلو عالمؤسسة وكانت رندا باستقبالهن
رندابانفعال)وينك لهلأ اوس!!!!
اوس:شو ويني يعني؟موشايفة مين جايب معي؟
رندا:ومين هي
اوس:شبعرفني....لقيتا نايمة بالشارع جبتا معي
رندا:بس نحنا مامنستقبل بنات وانت بتعرف..المؤسسة للعجزة و كبار السن
اوس:بالله جد!!!....هي مؤسستي وانا حر مين بدخل عليها...البنت كانت بحاجة مساعدة وانا ساعدتا...و انا رح ساعد اي حدا بيمدلي ايدو
رندا:اي امرك دكتور اوس
اوس:خديها عجناح السيدات و جهزولا سرير واهتمو فيها...رح تبقى هون فترة
رندا:حاضر...في اوامر تانية
اوس:لهلأ لا.....انا رايح عالبيت بكرا بعد العيادة بجي لهون بشوف الوضع
رندا:طيب....مع السلامة...تفضلي ياااا
اوس:ريمي
رندا:تفضلي ست ريمي
طلعت ريمي باوس وهيه خايفة من رندا وطريقة كلامها معها وخايفة تبقى بمكان غريب
اوسبصوت واطي)لاتخافي...قلتلك انتي وصلتي لبر الامان..وثقي فيني
اتفقنا
هزت براسها بمعنى اتفقنا
اوس:بكرا بعد الضهر رح اجي شوفك ونحكي شوي...هلأ تصبحي على خير
رندابعصبية)و انت بخير اوس!!!!!
اوس:يلا سلام
رندابعد ماراح اوس)تفضلي يا انسة...شرفي نورتينا
ريمي لحقت رندا بدون ماتحكي ولاكلمة....دلتا عالغرفة يلي بدا تنام فيها...تمددت بالسرير و دفنت حالها بالحرام
خلال ثواني كانت غفيانة ولا كأن صار معها شي بهالليلة الطويلة
#يتبع
#الجزء_الاول
الخير.........
بذرة مدفونة بكل واحد فينا
في ناس بتستغل هالبذرة و بتسقيها بالمحبة و مساعدة الناس و بث الامل فيهن...حتى يتحولو لكتلة من الايجابية و السلام وشعاع من الحب
وبالطرف التاني.....
في ناس بتندفن فيها بذرة الخير لاقصى حد....حتى تكاد تختفي ومابقا تبين...بينحطو بتربة جافة...بارض بور
مابتنبت فيها الا الاشواك...و الصبار
بس بالنهاية حتى الصبار......قلبو طيب...للشخص يلي بيقاوم كل اشواكو وبيوصل لقلبو
___________
#القلب_يعشق_كل_جميل
سهيروهيه عم تتشدق بالعلكة)يلا يابنات اليوم السهرة مااااكنة....ابو طلال بذاتو جاية ينورنا يلا...زبطولي هالبيت على زوقكن
الصبايا:حاضر سوسو
سهير:ريمي....تعالي بدي ياكي
ريمي:امرك سوسو خانم
سهير:بعتت لابوكي المعلوم تبع هالشهر
ريمي:يسلمو ايديكي
سهير:جهزيلي حالك....ابوطلال طالبك بالاسم
ريمي:بس سوسو انتي بتعرفي وضعي.....
سهير:اي سكتي سكتي بلا وضعك بلا وضعي...لازم تكسريلي حاجز الخوف تبعك...صرلك سنتين عندي و لهلأ ماحدا قرب منك....و عم تمشيها بالمنوم...بس هلا ابو طلال غير...طالبك بالاسم...ومابدو مشروب بكل السهرة...يعني بدك تجهزيلو حالك ماعندك مهرب
ريمي:و اذا ماقبلت
قامت سهير من مكانها والاساور عم ترن بايديها وشدت ريمي من شعرا وصرخت
سهير:بزتك برا زتة الكلاب....خلي ابوكي العربيد ينفعك
ومرت ابوكي خليها تحواكي...لشوف رح تحوي وحدة متلك....خريجة هيك بيوت؟؟؟؟
ريمي(تبكي)خلص....خلص يلي بدك ياه بس تركي شعري
تركتها و رجعت قعدت ولفت رجل ع رجل ومسكت خصلة من شعرا ولعبت فيها
سهير:هيك بدي ياكي....يلا روحي زبطي امورك يلا
ريمي(بنبرة حزن)حاضر
______________
(اندق الباب)
اوس:تفضل
رندا:اوس ماتنسى تجهز حالك اليوم المسا طالعين
اوس:مالي نسيان.....طلعي انتي و جمال بسيارة و انا رح اطلع بسيارة
انزعجت رندا من اقتراح اوس بس حاولت تكتم غيظها
رندا:وليش مانطلع انا و انت بسيارتك و جمال بسيارة
اوس:لان بدي امرق عالبيت اول...انتو طلعو من هون
رندا:طيب متل مابدك
اوس:طيب....انا طالع هلأ منلتقي المسا
رندا:الله معك
بعد ماطلع اوس رمت حالها عالكرسي و تنهدت
رندا:اااااه.....تقل حالك اوس افندي....ياواد ياتقيل(ابتسمت) يؤبرني شو بحبو
_____________
كانت واقفة عالمراية و عم تضيف اخر لمسة على شعراتها و مكياجها....رشت من عطرا الغالي و صرخت
سهير:وليه ريتا!
ريتا:نعم سوسو خانم
سهير:فوتي شوفيلي ريمي عرفانة تزبط حالها....هي جدبة مابتعرف تتصرف
ريتا:سوسووو خليني انا لابو طلال الله يخليكي
طلعت سهير فيها بقرف
سهير:روحي من خلقتي...رح يطلع فيكي على اساس...روحي شوفي ريمي وماعليكي
ريتا:حاااضر
راحت ريتا لغرفة ريمي نقرت عالباب و دخلت
ريتا:ههههههههه شوهااااد.....شولابسة
ريمي:سكتي دخيلك هاد سهير عطتني ياه
ريتا:سبعي تمك و الله ماتسمعك عم تقولي سهير لتنتفك
ريمي:اييي سوسو خربطنا
ريتا:حاولت تخليني بدالك مارضيت
ريمي:معلش حبيبتي...(تنهدت)الا ما الله يلاقيلي مخرج من هالليلة
ريتا:نيالك يا ريمي قلبك شو نضيف...رغم شغلتنا الوسخة بس قلبك لسا نضيف
ريمي:هه يلي بيسمعك بيسدئ ها
ريتا:انا هيك شايفة
ريمي:ياااستي نشالله يكون قلبي نضيف
اجا صوت سهير من برا وهيه عم ترحب بأبو طلال
كانت عم تمشي وتتمايل والخلخال عم يرن برجلا والعلكة بتما و ريحة عطرا موصلة للمريخ
سهير:اهلا وسهلا بالغالي
ابوطلال:اهلين...اهلين بست الكل...احلا سوسو بالدنيا
قربت وبوستو من خدودو
سهير:زمان ماجيت لعنا
ابوطلال:قلت لحالي بتكوني قنعتيلي القمر يلي عندك بهالفترة يلي غبتا
سهير(غمزتو)ماتاكل هم....جهزتلك ياها على زوقك
طالع من جيبو رزمة مصاري وحطلا ياها بإيدا
ابوطلال:هي حصتك...(غمزا)ماعدا المعلوم
سهير:كبير....من يوم يومك كبير...تفضل لنشرب كاس خفيف بينما تجهزلك العروس(مالت عليه وضحكت هديك الضحكة يلي بترن رن)ههههههههههه
ابو طلال:والله مافي غيرك عروس
سهير:هههههه.....تحت امرك انا....تفضل لجوا مايصير تضل واقف هيك
______________
رجاء(ام اوس)لك امي وين طالع بهالليل
اوس:لازم اطلع جولتي الاسبوعية امي
رجاء:لك ابني حاج تحمل حالك هم العالم الله يخليك
اوس:امي....بترجاكي هاد شغلي وانا مبسوط فيه...والناس عم تحبني وانا كل همي ساعد هالمعترين المرميين بالشوارع لا اكل ولا ملبس ولا مأوى
رجاء:الله يرضا عليك...والله انت بذرة خير..مو متل المغضوب
اوس:لاتقولي مغضوب...ترضي عليه اكيد هو بحاجة رضاكي
رجاء:الله يرضا عليك و عليه يارب
اوس:بلا بخاطرك امي
رجاء:الله معك
باس راس امه وطلع من البيت....طلع بسيارتو و طلب رقم جمال
اوس:اي جمال وين انتو؟...........طيب...تمام...خليكن بالشارع يلي انتو فيه انا رح روح عالمنطقة الشمالية صرلنا فترة ماعملنا جولة فيها.....اوك....مع السلامة
توجه اوس بسيارتو للمنطقة الشمالية يلي في فرق نص ساعة بين بيتو وبينها........
___________
سهير:تفضل ابو طلال....ريمي ناطرتك
ابوطلال:يلا.....عن اذنك ياقمر
سهير:هههههه مع السلامة
دخل ابو طلال عغرفة ريمي...كانت قاعدة عالتخت ولابسة الروب القصير يلي عطتا ياه سهير....حاطة اديها بحضنا وعم ترجف من خوفها...رجال بعمر جدا فايت عليها...عيونو عم تشع شهوة مقرفة...قرب منها...وطى لعند رجلا وطالع من جيبة جاكيتو خلخال دهب ولبسا ياه
ابو طلال:هاد احلا من خلخال سوسو خانم
ريمي_____
رفع رجلها لعند وجهو وباسها...هيه ارتعشت من الخوف وسحبت رجلها من ايدو
ابوطلال:بحب شوف الخلخال عالرجلين الحلوة...متل رجليكي
وقف وانحني ليقرب منها....رجعت لورا و هربت على زاوية الغرفة
ريمي(بارتباك ورجفة بالحكي)ااااابو طلال....اانت مابتعرف شي
شلح جاكيت الطقم...فك الكرافة وشلح القميص...وبلش يقرب منها
ابوطلال:عرفيني ياحلوة عرفيني
ريمي:بببعد عني....بببعد عني عم قلك
حصرها بالزاوية و حاول يبوسها....نفدت من تحت ايديه وهربت لجنب البيرو سحبت الفازة يلي كانت مصمودة و رفعتها بوجهو
ريمي:اوعى تجرب تقرب عليي ها....اوعى
ابوطلال:هاتي هالفازة من ايدك وتعي نحكي كلمتين...يلا ياحلوة...قلبي نطف عليكي
ريمي:عم قلك اوعى تقرب!!!!
ابوطلال:شوفي وليه...انا صبري بلش ينفذ ها....تعي لهون
ريمي:بعد عنيييي!!!
ابوطلال(بانفعال)اييي تعييي لهون لقللللك
سحب الفازة من ايدها ورماها عالارض وانكسرت...مسك ريمي من ايدها بقوة وزتها عالتخت..ولما اجا ليقرب منها طلع صوت صرخة سهير من برا
سهير:هربووو يا بنااااات....هربوووووو....الشرطة هوون
هرووب يا ابو طلال بسسرعة
طلع ابو طلال بريمي وفنجر عيونو
ابوطلال:يخرب بيتك شو وشك نحس يخرب بيتك وين بدي انقلع هلأ
رفستو ريمي على بطنو خلتو يوقع عن التخت وهو عم يتلوى من الوجع
ريمي:على جهنم الحمرا!!!!!!
قامت من التخت و طلعت حواليها....وين بدا تهرب...الشرطة صارت بالبيت...ضربت عينها عالشباك...فتحتو وطلعت لتحت...البيت طابق تاني مو كتير عالي...والشباك بيطل عزقاق ديق بين البنايتين...مارح يخطر للشرطة تدور فيه....بدون تفكير بشو ممكن يصير قعدت على طرف الشباك و رمت حالها لتحت....وبعد دقايق كانت الشرطة داخلة عالغرفة و قابضين على ابو طلال متلبس...فتشو الغرفة عن حدا معو بس مالقو حدا...ومن حظ ريمي انو جلايل الشباك ارتخو لوحدن بعد ما رمت حالها.... وابو طلال من وجعو ما انتبه يدل الشرطة وين هربت
_______________
ركن اوس سيارتو على جنب الشارع و نزل يتفتل على رجليه على امل يلاقي مشرد جديد ينقذو و ياخدو على مؤسستو الخيرية للمشردين و العجزة......وهو ماشي بين البنايات شاف سيارات الشرطة واقفين جنب بناية...كمل طريقو اجتنابا للمشاكل....بس تفركش بحجر خلا ينتبه لصوت انين طالع من زقاق معتم....بسرعة ضوا فلاش موبايلو وقرب....شاف بنت بفستان قصير و مشلح
الدم نازل من رجلها وعم تئن
اوس:مين انتي...وشو عم تعملي هون؟
ريمي(تبكي)انا....انا..ببوس ايدك ساعدني ببوس ايدك
طبعا اوس متعود على مساعدة الناس بس مو هيك
قرب خطوة باتجاهها بعدين تردد لحظة كأن عم يفكر
ريمي:طفي ضو موبايلك بترجاك .......الشرطة هون اذا ماساعدتني رح ياخدوني
طفا الفلاش وخطر ببالو تكون سارقة و هربانة مافكر بشي تاني
اوس:طيب شو عاملة؟
ريمي:كرمال الله اذا مابدك تساعدني روح من هون ولاتخليهن ينتبهو عليي
اوس:مبلا.....رح ساعدك...بس خلينا ننطر دقيقة لتمشي سيارات الشرطة....لاتطالعي صوت رح شوف شوصار
وقف اوس بنهاية الزقاق ولزق جسمو بالحيط....وراقب كيف عناصر الشرطة جارين معهن اكتر من 5 نسوان
مكلبشين و لابسين تياب مابتنظر....واخر شي صدمو كتير...منظر الرجال يلي ساحبو العنصر و مشيتو بطيئة
كأنو عم يتوجع...وبسبب بطئ مشيتو قدر يميز ملامحو منيح......شعور الاحتقار كبر جواتو كتير وتوضحت صورة ريمي بنظرو....هيه من بنات هاد البيت وهربت من الشباك قبل ماتلقطها الشرطة
اندفع تجاهها بلحظة وهو معصب مسكها من ايدها وكان رح يقومها
ريمي(انت بصوت مبحوح)ااااه...شورح تعمل؟
اوس:بدي سلمك للشرطة خليكي تتعاقبي متل رفقاتك
ريمي(تبكي)ببوس ايدك....ببوس رجلك...انا والله مالي متلهن والله....انا نجبرت...نجبرت صدقني نجبرت
رق قلبو لحالها وماعرف شو الشي يلي خلاه يترك ايدها
ويستجيب لرجائها و يشيل فكرة تسليمها للشرطة من راسو.....يمكن منظر الدم يلي عم ينزل من رجلها...او حالتها الصعبة...ماعرف يحدد شو اللي خلاه يصدقها
اوس:طيب.....طيب مارح سلمك...صبري شوي لتمشي السيارات وبعدها رح اخدك من هون
ريمي:مابدي شي بس عطيني قطعة تياب استر جسمي و رميني على شارع عام و انا بدبر حالي
اوستنهد)طولي بالك انا بعرف شو بدي اعمل
بعد دقايق مشيت سيارات الشرطة بعد ماختمو البيت بالشمع الاحمر....مجرد ما تاكد اوس من مغادرتهن مشي باتجاه ريمي....انحني وحملها بين ايديه وراح على سيارتو يلي كانت بتبعد كم متر
حطها بالسيارة و راح فيها على المؤسسة تبعو....قبل مايوصل دور كتير على اي محل ملابس كرمال يشتري قطعة يسترها
فيها....بس وين رح يلاقي بهالوقت المتأخر
قرر يعطيها شي من عندو بينما يعرف شوبدو يعمل معها
ريمي يلي كانت حالتها بالارض....الم جسدي و نفسي
كل الطريق عم تبكي ومانشفت دموعها
اوس:خلص اهدي....لابقا تبكي
ريميتبكي)انا ضعت.....خلص ضعت
وقف السيارة و طلع فيها نظرات عميقة كأن عم يحاول يكتشف اعماقها ويدور فيها عن هويتها
اوس:انتي ماضعتي....عتبري حالك وصلتي لبر الامان
هالكلمة خلتها توقف بكا وتطلع فيه باستغراب....امان!!!!
يمكن بحياتها ماعرفت معنى هالكلمة
ريمي:ششو..شوقصدك!
اوس:يعني خلص....انتي وصلتي لبر الامان...ماتخافي من شي
ريمي:ممما فهمت
اوس:قبل شي خليني عرفك عن حالي.....انا الدكتور اوس...عندي مؤسسة خيرية للمشردين...رح اخدك عليها وتقعدي فيها بينما اعرف قصتك
ريمي:مشردين؟؟؟يعني انا مشردة هلأ؟
اوسابتسم)لا...انتي مومشردة...بس ماعندي مكان حطك فيه غير المؤسسة....وبس اقدر اوصل لاهلك باخدك لعندن
ريمي(بذعر)لا....لا اهلي لا....اهلي لا بترجاك...بعيش بالشارع ولابروح لعند اهلي
اوس:طيب....اهدي شوي مارح يصير شي غصب عنك
هلأ رح طالع من صندوق السيارة علبة الاسعافات الاولية كرمال شوف جرحك.....بضمدلك ياه وبجبلك قطعة تياب من بيتي وبعدا باخدك عالمؤسسة شوقلتي؟
ريمي:انت ليش عم تساعدني؟
اوسابتسم)لاني بحب ساعد الناس
نزل من السيارة وطالع علبة الاسعافات الاولية...راح على مقعدها و فتحت الباب وطلب منها تبرم لعندو وتطالع رجليها لبرا كرمال يشوف الجروح
اوس:القزاز غارز برجليكي
ريمي:بعرف
اوس:ليش ماخطرلك تلبسي برجلك قبل ماتنطي هيك
تزكرت كل الموقف يلي خلاها تنط...وابو طلال ولمساتو الوسخة...شريط انعاد ادام عيونها وخلاها ترجع تبكي
اوس:خلص انا اسف ماقصدت....خليني شيل القزاز من رجلك
طلع برجلها يلي لابسة فيها الخلخال.....مسكها كرمال يحطها على رجلو ويشيل القزاز....ارتعشت من لمستو و شدت رجلها من الخوف
اوس:ماتخافي...مارح ائذيكي...مدي رجلك
استجابت لكلامو ومدت رجلها....كان مقرفص عالارض
سند رجلها على رجلو....فك الخلخال وحطو بعلبة الاسعافات.....تناول ملقط وبلش يشيل قطع القزاز
وهيه عم تئن مع كل حركة....قطب جرح ولفو بالشاش
والرجل التانية....عقم جروجها و ضمدهن
رجع على مقعدو بعد ماخلص.....وراح على بيتو.....نزل لدقايق و رجع حامل شنتة صغيرة....
اوس:تفضلي....هي الشنتة فيها كم قطعة تياب من تيابي
ماعندي اخت او زوجة اعطيكي من عندا....رح اطفي ضو السيارة و اطلع انطرك برا شوي....غيري تيابك وبس تخلصي ناديلي...لان مافيني اخدك عالمؤسسة بهالفستان
ريمي:عنجد....بتشكرك من قلبي...عنجد
اوس:خلي الشكر لبعدين....غيري بسرعة مابدي اهلي ينتبهو
طلع وتركها بالسيارة...فتحت الشنتة وطالعت بيجاما وكنزة....ابتسمت ابتسامة خفيفة...كيف رح يطلعو تيابو عليها وهو اد حجمها على مرتين....وبسرعة شلحت الفستان و رمتو عالمقعد الخلفي و لبست البيجاما و طوت كمامها و رجليها حتى ناسبت مقاسها....نقرت عالبلور حتى ينتبه بس لان كان واقف بعيد و عاطيها ضهرو ما انتبه....فتحت باب السيارة ونادتلو بصوت واطي...حتى انتبه واجا بسرعة....شغل السيارة و انطلق عالمؤسسة بدون مايطلع فيها ولا ينتبه لشكلها
قبل ماينزلو من السيارة تناول منديل و عطاها ياه
اوس:مسحي المكياج عن وجهك
ريمي:حاضر
مسحت كل المكياج عن وجها وطلعت فيه عم تستنا الامر يلي بعدو
طلع فيها من فوق لتحت...كيف بدو يعطي ايحاء انها مشردة
اوس:نكتي شعرك
ريمي:نعم؟
اوس:نكتي شعرك موشايفة كيف ناعم....منظرك مابيوحي بالتشرد ابدا
ريمي:طيب حاضر
نزلت راسها و نكتت شعرا بايدها ونفضتو لفوق وطلعت بأوس يلي كان عم يضحك على منظرها كيف صار
اوس:هيك تمام.....شو اسمك؟
ريمي:ريمي....اسمي ريمي
اوس:اديش عمرك؟
ريمي:17 سنة
اوسهز براسو)طيب.....يلي صار الليلة سر بيناتنا...مابتجيبي سيرة لحدا...واذا حدا سألك من المؤسسة بتقولي اني لقيتك جنب حاوية ماااابتجيبي سيرة شي ها
ريمي:طيب...حاضر
اوس:يلا ننزل....فيكي تمشي ولا احملك
ريميبخوف)لا لاتحملني....بمشي لحالي
اوس:يلا تفضلي
دخلو عالمؤسسة وكانت رندا باستقبالهن
رندابانفعال)وينك لهلأ اوس!!!!
اوس:شو ويني يعني؟موشايفة مين جايب معي؟
رندا:ومين هي
اوس:شبعرفني....لقيتا نايمة بالشارع جبتا معي
رندا:بس نحنا مامنستقبل بنات وانت بتعرف..المؤسسة للعجزة و كبار السن
اوس:بالله جد!!!....هي مؤسستي وانا حر مين بدخل عليها...البنت كانت بحاجة مساعدة وانا ساعدتا...و انا رح ساعد اي حدا بيمدلي ايدو
رندا:اي امرك دكتور اوس
اوس:خديها عجناح السيدات و جهزولا سرير واهتمو فيها...رح تبقى هون فترة
رندا:حاضر...في اوامر تانية
اوس:لهلأ لا.....انا رايح عالبيت بكرا بعد العيادة بجي لهون بشوف الوضع
رندا:طيب....مع السلامة...تفضلي ياااا
اوس:ريمي
رندا:تفضلي ست ريمي
طلعت ريمي باوس وهيه خايفة من رندا وطريقة كلامها معها وخايفة تبقى بمكان غريب
اوسبصوت واطي)لاتخافي...قلتلك انتي وصلتي لبر الامان..وثقي فيني
اتفقنا
هزت براسها بمعنى اتفقنا
اوس:بكرا بعد الضهر رح اجي شوفك ونحكي شوي...هلأ تصبحي على خير
رندابعصبية)و انت بخير اوس!!!!!
اوس:يلا سلام
رندابعد ماراح اوس)تفضلي يا انسة...شرفي نورتينا
ريمي لحقت رندا بدون ماتحكي ولاكلمة....دلتا عالغرفة يلي بدا تنام فيها...تمددت بالسرير و دفنت حالها بالحرام
خلال ثواني كانت غفيانة ولا كأن صار معها شي بهالليلة الطويلة
#يتبع