أهواك بلا أمل

[صفا النعمان]

#أهواك_بلا_أمل
#بقلم_فيلوفوبيا

#الجزء_الأول

صحي من نومو معصب مع انو ما نام اكتر من ساعة
حس انو الصداع رح ياكل راسو....مسح وجهو و تأفف
تطلع فيها....كانت نايمة بكل براءة...ملامحها الناعمة
وبشرتها البيضا.....كيف حواجبها مرسومين و رموشها مدبلين....تنهد و نزل من الغرفة وطلع عحديقة البيت
شغل سيكارة و طلب من الخادمة قهوة....
_____

جوريصحيت من النوم و رسمت على وجهها ابتسامة عريضة...تزكرت ليلة مبارح العرس و الحفلة و كل شي صار مبارح كان احلا من الخيال بالنسبة الها
تطلعت جنبها واستغربت عدم وجودو جنبها...قامت ولمت شعرها ودخلت تاخد دوش)

طلعت:يا فتحية
فتحية:امرك يابيك
طلعت:طلعي شوفي الخانم الصغيرة و ستعجليها كرمال نفطر سوا
فتحية:حاضر يابيك
طلعت:شو وين اياد
فتحية:بالحديقة،بتحب اندهلو
طلعت:لا انا طالع شوفو انتي عملي متل ماقلتلك
/بالحديقة...كان اياد عم يدخن بشراهة وشارد و لا كانو بالوجود/
طلعت:احم احم
اياد____
طلعت:عم نقول احم
اياد:اهلين ابي....ماكنت منتبه
طلعت:مو مشكلة...شوعم تعمل هون ليش مالك مع عروستك
اياد:تركتا نايمة وطلعت شم هوا
طلعت:بس انت عريس مابصير هيك
اياد(بعصبية)ابي الله يخليك لاتضغط عليي اكتر من هيك....يلي بدك ياه عملتو و تزوجت لابقا تضغط عليي انت و امي ماشي!
طلعت:شو مفكر الزواج كلمة؟!
اياد:كلمة ولاكلمتين تركوني بحالي وخلص!
/ترك ابوه وطلع و هو عم يتمتم بكلام مو مفهوم....طلع عالغرفة لقا جوري هلأ طالعة من الحمام..لوهلة تشتت نظرو من البخار المتكاثف حواليها...رجف قلبو واطال بالنظر ليتأكد من هويتها...متل العطشان يلي شاف بركة مي بالصحرا وبعدين اكتشف انها سراب اختفت ابتسامتو لما شاف جوري ادامو/

جوري:صباح الخير حبيبي(حاوطت رقبتو بأيديها)
اياد:صباح الخير(بعدها عنو ومسح على شعرو)
لبسي بسرعة كرمال تفطري مع اهلي
جوري:ليش انت رايح لمكان؟
اياد:عندي شغل بمكتب البيت هون مارح اطلع لمكان...بس مارح افطر معكن
جوريبغنج)حبيبي...الله يخليك انا حابة نفطر سوا
ايادمشي ناحية الخزانة وطلع فيها بطرف عينو)خلص جوري قلتلك عندي شغل...بعدين اذا بتريدي مابقا بدي شوفك هيك
جوري:نعم!
اياد:متل ماسمعتي...انا طالع لبسي بسرعة و نزلي اهلي ناطرينك
/طلع و خبط الباب....قعدت جوري عطرف التخت وهيه مستغربة(لنفسها)....ليش هيك عم يحكي!..لسا مبارح كان انسان تاني...بيجوز متدايق من شي مارح حط ببالي
(رن موبايلها)/

جوري:الو....اهلين ماما
وفاء(ام جوري):صباحية مباركة حبيبتي
جوريبخجل)الله يبارك فيكي ماما
وفاء:كيفو زوجك
جوري:تمام الحمدلله
وفاء:شوطمنيني حبيبتي...مشي الحال؟
جوري:امممم....لا بصراحة لاني نمت اول ماجينا من الصالة يادوب بدلت تيابي وتعشيت و نمت
وفاء:يعني ماااا......
جوري:ماااا
وفاء:طيب طيب بسيطة....بتصير عادي...رح شوف اذا بجي لعندك اليوم
جوري:طيب ماما....يلا انا لازم انزل افطر...سلام

/نزلت جوري عغرفة السفرة بالبيت ولقت عمها و حماتها عم يتهامسو و لما شافوها سكتو/
طلعت:صباح الخير بنتي تفضلي عم نستناكي
جوري:صباح الخير عمو....صباح الخير مرت عمو
سماح:صباح الخير...شو وين اياد
جوري:قال طالع عالمكتب عندو شوية شغل
سماح:بس هلأ مرقت عالمكتب ماكان موجود
طلعت(بارتباك)احم....خلص بيكون بالحمام او بشي مكان بالحديقة...يلا تفضلو

/مسك قلم الفحم...والورقة البيضا عالطاولة...اخد نظرة للغرفة يلي مليانة رسومات..لنفس الشخص..كل رسمة بحركة منها بألوان ومنها بدون الوان...ركز لثواني وبلش يحدد الملامح عالورقة...حس بركان من الغضب و المشاعر و الحنين مشي بدمو و انتقل للقلم و بلش يفرغ حزنو...استمر على هالحالة مدة قصيرة...خلص رسم بسرعة كبيرة..يمكن لان ايدو تعودت عالملامح ذاتها و التفاصيل ذاتها و الشخص ذاته
ترك القلم....مسح وجهو بايديه و اطلق تنهيدة كبيرة
انتبه للوقت وانو تأخر وصار لازم يرجع لواقعو يلي بيكرهو و بيهرب منو/

جوري:اياد!..وين كنت!
اياد:و انتي شو دخلك...ليكي مابتسالي وين رايح..ولا وين كنت ولا ايمتا رح ترجع و لا مع مين كنت...اوك
جوري:بس انا مرتك و حقي اعرف
اياد(قعد عالتخت و فك ازرار قميصو وتمدد)لا مو حقك تعرفي
جوري:شو صايرلك ...لسا مبارح كنت مأحلاك ليش تغيرت فجأة
(قربت و حطت ايدها على شعرو....بس هو شال ايدها و تجلس)
اياد:يابنتي خلص....خلص لاتخنقيني بأسئلتك
جوري:طيب انا مالة خدني مشوار
اياد:عيب تطلعي لساتك عروس
جوريحكت بنبرة مستفزة)اي بالاسم عروس
اياد:_____
(طلع فيها بطرف عينو و قام عالمراية ليعدل هندامو...انتفضت من التخت و وقف ورا ضهرو و حضنتو)
جوريبغنج)اياااااد....شبك حبيبي روق شوي
اياد:لك يا بابا خلص...يا بنتي خلص
جوري(بعصبية)لك ليش هيك عم تقلي...بابا و بنتي ليش
ايادقعد و لف رجل عرجل)ههه لاني بحسك بنتي
لانك طفلة...طفلة
جوري:لا موطفلة 17 سنة ابدا مو طفلة
اياد:بالنسبة الي طفلة...وانا مابحب الاطفال
جوري:ماعم افهم عليك
اياد:شفتي انك طفلة!...انا اديش عمري؟
جوري:30 او 31

مابعرف
اياد:وانتي 17....يعني انا ادك عمرتين...يعني انا لو متزوج صغير كانو ولادي اصغر منك بشوي...لهيك انتي طفلة بنظري...وصدقيني انا مابحب الاطفال
جوري:يعني مابتحبني؟!
اياد:هههه....مابكرهك
جوري:ولابتحبني!
ايادغمزها)بالضبط....انا طالع ومابعرف ايمتا رح ارجع...لاتنطريني نامي بكير لان الاطفال لازم ينامو بكير اوك بابا
جوري(بغضب)انا بكرهككككك
اياد:مابهمني(فتل عالمراية ولبس جاكيتو)....من اليوم ورايح..عليكي تمارسي دور الكنة هون...عيشي حياتك و لا تهتمي الي انا وجودي متل عدمو رح يكون...فوتي و طلعي و درسي وعملي صداقات..بس احترمي اسمي بين الناس..و كل احتياجاتك حتكون مأمنة...عيشي حياتك بعيد عني ماشي
جوريدمعو عيونها)انا تزوجتك كرمال تعمل فيني هيك!!
اياد:لا تبلشي...هاد الموجود ماعجبك بيت اهلك مفتوح...سلام
(طلع و سكر الباب وهيه نهارت عالارض و صارت تبكي من قهرها عحالها...ماتخيلت انو اياد يلي حبتو يطلع متخبي تحت قناع الطيبة والحب و من اول يوم يظهر على حقيقتو...بقيت عم تبكي كل النهار...اخر شي غفيت من تعبها عالارض..صحيت بوقت متاخر...مالقتو بالغرفة
حست بالجوع...طلعت من الغرفة...ومشيت على روس رجليها كرمال ماتفيق اهل البيت...نزلت عالدرج
سمعت صوت موسيقا...صوت اغنية مألوفة...من البيت بس ماكان واضح جهة الصوت من وين...كانت الاغنية عم تتردد على سمعها بس الكلام ماكان مفهوم
نزلت عالمطبخ و عملت سندويش وشاي وطلعت على غرفتها...كان صوت الاغنية مختفي...وتفاجأت بوجود اياد عالتخت و نايم....مع انها متأكدة انو لما طلعت ماكان موجود....قعدت تاكل و حاولت ماتطالع صوت بس رعبها صوت اياد لما حكا)

اياد:اخر الليل تزكرتي تاكلي؟!
جوري(شهقت و تشردقت بالاكل)رعبتني
اياد:طفلة!
جوري:انت ايمتا اجيت و نمت
اياد:من زمان انا هون
جوري:بس ماشفتك وقت طلعت
اياد:مو ذنبي اذا انتباهك قليل...انا هون من اول الليل
خلصي اكل و فرشي سنانك و طفي الضو و نامي
مامنيح السهر للاطفال
جوري:اي مادخل__
اياد(مقاطع)تصبحي على خير
جوري(لنفسها..كيف هو هون من اول الليل...انا متأكدة اني ماشفتو وقت طلعت معقول كان اخدني النوم!
طيب وصوت الموسيقا يلي كان بالبيت!
معقول البيت مسكون!....)
/ارتعبت و ركدت عالتخت و حضنت اياد/
اياد:اييي...شبكي
جوري:خايفة...بيتكن مسكون سمعت صوت اغاني
ايادبعصبية)بعدي عني هيك!...اياكي تفكري تقربي مني تاني مرة
/قام عن التخت حمل مخدتو وتمدد عالكنبة/
جوري:بس انا خايفة
اياد:اوووف....شكلي رح مل بسرعة...انا نازل نام تحت بالصالون...مابدي حركات ولاد عم تفهمي!
/طلع و خبط الباب/
جوري:اياد!...ستنى الله يخليك...لك اياد(تبكي)ياربي والله خايفة

/فتح باب الغرفة...دخل وقفل عحالو...تمدد عالتخت و حضن المخدة...شم ريحتها ونام من دون مايحس على شي/

#الجزء_الثاني

/مذكرات جوري
مرق على زواجنا شهرين...اياد جاف كتير بمعاملتو معي
بينام بغرفة تانية بالبيت...ممنوع احكيه...او حتى ناقشو بشي...علاقتنا مابتشبه الازواج ابدا..بهالفترة تعرفت على اخت اياد الوحيدة زمرد...صرنا رفقات بفترة قصيرة
هيه كانت عم تدرس برا البلد و من جديد رجعت لان خلصت دراسة...على حسب ماحكتلي علاقتها ب اياد كانت منيحة قبل ماتسافر بس هلأ اياد شبه قاطع علاقتو بالكل و هالشي محيرني...حتى مع اهلو قليل كلامو....اياد بيقول عني اللعبة يلي شتروها اهلو ليسلو فيها...طبعا انا بزعل و بنقهر لهالحكي بس مابأيدي شي
لان مافيني ارجع لحكم خالتي مرت ابي
عالاقل هون ماحدا عم يتدخل فيني...رغم كل شي انا حبيت اياد..رغم كلامو القاسي...رغم نشافتو و تجريحو بالحكي انا حبيتو.. بحب لما يقلي يا بنتي عالاقل عم ينسبني الو.....و السر يلي مخبيه لازم اكتشفو وعن قريب كمان
ملاحظة:كل يوم الساعة 12بالليل عم اسمع نفس الاغنية
بالبيت...نفس الكلام واللحن و الوقت...اغنية غريبة وكتير كمان../
(سكرت الدفتر و شدت ايديها حتى تريحهن من الكتابة
اندق الباب)
جوري:تفضلي
زمرد:كيف عرفتي انو انا!يا قوية(غمزتها)
جوري:هههه انو اكيد اياد مارح يجي لعندي
زمرد:يا الله يا جوري ايمتا بدكن تحبو بعض و تصيرو متل السمنة والعسل
جوري:صدقيني...الوجع يلي بقلبي ماحدا حاسس فيه
اياد الي و مو الي....زوجي و مو زوجي...معي و مو معي
انا قلبي بيوجعني وقت بيبعدني عنو بحس انو عم يبذل كل قوتو حتى يبعدني عنو
زمرد:معلش حبيبتي الا ماينسى شي يوم
جوري:اي مزبوط.....لحظة...شو بدو ينسى!
زمرد(بارتباك)اه؟انا قلت ينسى....قصدي يحبك شي يوم
/طلعت جوري بزمرد بريبة...وفكرت بكلمة ينسى/
جوري:طيب قومي ننزل نتغدا بلا ماناكل بهدلة هلأ
زمرد:يلا

/متل كل ليلة جوري بتنام لحالها بالغرفة
و تعودت تتسمع على ايقاع الاغنية الغريبة بالبيت...كانت تنعاد مرة و 2 و 3 بدون ملل...سألت زمرد و هيه مابتعرف شي عن الموضوع...تمددت عالتخت و غمضت عيونها و استعادت شكل اياد بمخيلتها
كيف بيحكي....وكيف بيضحك..كيف بيتجاهلها كأنها مو موجودة...انرسم وجهو بمخيلتها كأنو هلأ موجود ادامها
عيونو الوساع...و دقنو الخفيفة...بشرتو البيضا و ابتسامتو الجذابة...شعرو شبه مسدول على جبينو
كل شي فيه بيخلي قلبها ينبض بالحب الو،غفيت لثواني
فيهن حست بأيد مسحت على خدها....من خوفها ماتجرأت تفتح عيونها...ايد مسحت على خدها و على شفايفها وحست بنفس قريب....حاولت تهدي انفاسها
نطرت شوي و فتحت عيونها...والصدمة...انو ماكان حدا موجود بالغرفة...و الضو مطفي والباب مسكر...تسارعت دقات قلبها من الخوف...مين بدو يكون!...تعوذت من الشيطان و حاولت تنام بس ماقدرت...حطت شال صوف على كتافها و راحت لغرفة زمرد...نقرت عالباب...ماردت..واضح انو نايمة...مالقت الا مكتب اياد
نقرت عالباب.../

جوري:اياد!...انت صاحي
اياد:فوتي
جوريدخلت وهيه خجلانة)انا خايفة!
ايادتجلس وحكا)هه ومن شو بالله
جوري:اانا....(بارتباك)اانا....(ركدت لجنبو وقعدت عالارض وحطت راسها عند رجليه)بترجااك خليني نام جنبك...بترجاك و الله خايفة
ايادتردد كتير قبل مايمسح على شعرها و حكى بنبرة هادية)من شو خايفة!
جوري:حسيت حدا مسح على وجهي وانا نايمة...يعني كان الي ثواني غفيانة وحسيت حدا مسح على وجهي و شفايفي والله متأكدة
اياد:طيب...خلص اهدي هلأ و روحي نامي..البيت مافي شي
جوريرفعت راسها وهيه عم تبكي)انت ليش مصر ماتصدقني!!...عم قلك متأكدة..ليش مصر تطالعني صغيرة ومابفهم و غبية!
اياد:شششش وطي صوتك هلأ بيصحو اهلي
جوري(تبكي):لك انا بكرهك اياد بكرهك..ياريتني ماعرفتك و لا تزوجتك ياريت
اياد:خلص اهدي(مسح دموعها و حط راسها على صدرو)اهدي لاتخافي انا معك
جوريتبكي)انا بحبك....والله بحبك كرمال الله لاتبعد عني
ايادمسح على جبينو)طيب خلص اهدي...امشي لنيمك بتختك
(حملها و اخدها عالغرفة سطحها عالتخت و لما بعد شدتو من ايدو وحكتو بصوت مبحوح)
جوري:خليك جنبي
اياد:انااا
جوري:بترجاك بس الليلة
ايادتنهد)طيب
/تمدد جنبها و حطت راسها على صدرو وحضنتو...قرر ينطرها لتغفى ويقوم...بس النوم غلبو...وبقي على هالحالة للصبح..لما صحي...انتفض بسرعة وقام من جنب جوري...طلع من الغرفة و راح لمأواه بهالبيت....صحيت جوري فورا بعد ماراح/
جوري(لنفسها_هه...بعرف انك مابتحبني...بعرف انك بقيت غصب عنك..)
/غمرت وجهها بالمخدة و اخدها البكا لساعات طويلة/
/بعد ايام/

زمرد:اياد....شو رأيك تاخدنا انا و جوري عالملاهي
اياد:روحو لوحدكن شو بدكن فيني
زمرد:يا الله اخي..منروح منتسلى سوا الله يخليك
اياد:زمرد حبيبتي انا مابق__
جوري(مقاطعة)انا رايحة اقعد ببيت اهلي كم يوم
ايادبلامبالاة)بتحبي خلي الشوفير يوصلك
جوري:لا شكرا باخد مواصلات
اياد:معك مصاري تكفي؟
جوري:دخيلك لاتعمل حالك مهتم هلأ
اياد:ليش هيك عم تحكي!بشو قصرت معك
جوريباستفزاز)ههههههه...ابدا ماقصرت ابدا
اياد:جوري!لاتتعدي حدود الادب معي
جوري(رفعت حاجبها)لا والله!انا حرة كيف ماحبيت بحكي معك و مع غيرك
زمرد:طولو بالكن اخي هدو شوي شو صرلكن
اياد(بعصبية)طلعي لغرفتك مافي روحة لمكان
جوري:مو بكيفك انا بدي روح
ايادبيصرخ)انا قلت مابتروحي يعني مابتروحي!
جوري:هلأ رح تعمل حالك زوجي!هلأ حبيت تلعب هالدور....بحب قلك انو مو لابقلك ابدا...و انا ماعم استنى اوامرك و بدي روح لعند اهلي يعني بدي روح...لاني قرفت العيشة هون!لك قرفت حالي....و مليت و تعبت منك و من العيشة معك!
اياد(باستهزاء)هه عيشة اهلك احسن يعني!ماكنتي خادمة لخالتك مرت ابوكي!ماكنتي مشتهية اللقمة عندهن!لك انا لميتك و عملتك بشر و لبستك احلا لبس و طعميتك اطيب اكل انا
جوريتبكي)خراس!لك خراس حاج تحكي خراس عيشة اهلي اشرف منك عم تفهم اشرف منك
/ماتحمل اياد هالحكي وقام ضرب جوري...ونزل ابوه على صوت عياطهن وخلص جوري من بين ايديه/
طلعت:لك انت شوو فهمني انت شو!مافيك مخ حتى تضرب بنت بهالشكل
اياد:هي البنت مو مرباية وانا ربيتها
طلعت:اقسم بالله اذا بعرف انك لامسها بس لمسة لزتك برا البيت عم تفهم!و هلأ نقلع من وجهي جيب دكتور خلي يشوفها....(بعيط)انلقع!
زمرد(ركدت على جوري)حبيبتي فيكي شي...يبعتلي حمة انا يبعتلي حمة عليكي
سماح(شهقت لما شافت الدم معبي وجه جوري والكدمات على ايديها)لك يكسر ايدو...يكسر ايدو...تعي ياعمري تعالي اخدك على تختك بينما يجي الدكتور يفحصك
/اجا الدكتور وفحص جوري وطلع معها رضوض بجسمها وكدمات والجروح مو غميقة...وصفلا ادوية طلع وبقيت زمرد و سماح عم يهتمو فيها و اياد اختفى من وقت ضرب جوري/

#يتبع...

 

[صفا النعمان]

#أهواك_بلا_أمل
#بقلم_فيلوفوبيا

#الجزء_الثالث

الجزء الثالث

/بعد فترة/
زمرد:لا ماشالله عليكي احسن بكتير متل الغزال
سماح:اي والله حبيبتي الحمدلله تحسنتي
جوري:يخليلي ياكن
زمرد:شو رأيك نطلع مشوار نتسلا
جوري:لا مابدي...بخاف اياد يعمل مشكلة
سماح:اياد ترك البيت من وقت ضربك
جوري:وين عم ينام
سماح:مابعرف عنو شي...ياريت يابنتي تحكيه يرجع عالبيت...بكون خجلان منك
جوري:بعد كل شي عملو فيني وبدك ياني احكيه...لا مرت عمي عذريني مابقدر
سماح:متل مابدك مارح اضغط عليكي..قومي طلعي انتي و زمرد مشوار تسلو وغيرو جو
جوري:طيب...رح اطلع بدل تيابي
طلعت:سماح!...يا ام اياد
سماح:خير ابو اياد شو فيه وقعت قلبي!
طلعت:معمل ابو وائل...عرفتي ابو وائل
سماح:اي شبو!
طلعت:تسكر بالشمع الاحمر نلقط فيه كمية مخدرات كبيرة
سماح:لا...معقول!...بس هالناس اوادم ماعندهن هيك حركات
طلعت:هاد يلي مجنني...خايف يلي ببالي يكون صح
سماحطلعت فيه وكأنها فهمت افكارو)لا مومعقول..مابيعملها
طلعت:بيعملها وبيعمل ابوها كمان

/دخلت جوري بدلت تيابها وانتبهت لوجود وردة حمرا عالمراية بقلب ورقة مكتوب فيها انا اسف...مسكت الورقة و مزقتهاو رمتها برمت ضهرها وتفاجأت بوجود اياد بالغرفة/
جوري:انت شو عم تعمل هون!
اياد:لاتنسي انو هي غرفتي بالاصل
جوريبرمت ضهرها بدون مبالاة و بلشت تحط مكياج)شوبدك!
اياد:بدي اعتذر لاني ضربتك
جوري:طيب وصل الاعتذار فيك تطلع
اياد:يعني مو زعلانة مني!
جوري(طلعت فيه بعتب)مابيحقلي ازعل اياد...تفضل طلاع اذا بتريد(مسحت دمعة بطرف عينها)
اياد:طيب ليش عم تبكي اذا مو زعلانة
جوري(طلعت فيه وجه لوجه)شوبدك مني!
اياد:لك يابابا مابينفع تحكي هيك مع الكبار(مشي باتجاهها ببطئ)
جوري:انا مو بنتك(رجعت لورا)
اياد:يابنتي احترميني
جوري:طلاع لبرا
ايادقرب وحط ايدو على خدها و باسها و طلع من الغرفة وهيه بقيت مذهولة من يلي عملو وانفاسها متسارعة كتير)
/بالصالون/
طلعت:شو حضرتك هون!
اياد:وين بدي كون يعني
سماح:ايمتا اجيت امي
اياد:وجه الصبح
طلعت:اياد....انت الك يد بتسكير معمل ابو وائل
اياد:ههههههههه....طبعا الي يد ولسا ماشاف شي هو و ولادو....والله لبكيهن دم عاللي عملوه
طلعت:قلتلك يا سماح ابنك الو يد بالموضوع....بكرا بتروح فيها لك ابني
اياد:لا ماتخاف...ابو وائل عم يتاجر بالمخدرات فعلا...بس انا كنت سبب تجارتو وانا كنت سبب تسكير المعمل
طلعت:يعني انت جرجرتو لهالشي لك ابني
اياد:بالضبط...انا ماتعديت عليه هو طماع...و انا خربت بيتو ولسا الحبل عالجرار و تاري بدي اخدو لو على دمي
سماح:الله يسترنا من عمايلك بس
اياد:ششش سكرو عالموضوع جوري نازلة
جوري:بدكن شي عمو ومرت عمو
طلعت:سلامتك حبيبتي
اياد:ديري بالك عحالك...مع السلامة
(بعدما مشيت جوري)
سماح:صالحتا ابني؟
اياد:اي صالحتا...طفلة دغري بتنسى

طلعت:حبب هالبنت فيك و حبها احسن مالك عايش ع أطلال الماضي..اسس حياة جديدة وريح بالنا يا ابني

اياد(بعصبية)مو قبل ما اخد تاري وخليهن يتخو بالحبوس...انا صح مارح اقتلهن متل ماقتلو احلا شي بحياتي...بس رح خليهن ياخدو جزاءهن و يدوقو المر كل عمرهن

طلعت:لك المخلوقة ماتت مااااتت انساها بقا

اياد:مستحيل انساها...الموضوع انتها...وجوري رح خليها تطلب الطلاق...وهيك بكون ريحت راسي

سماح:شو ذنبها البنت لك امي!

اياد:مالها ذنب...خلص انا طالع عمكتبي فوق...سلام

/طلع عالمكتب و كالعادة دخل عالغرفة المخفية جوا المكتب يلي بابها ورا لوحة كبيرة....سكر الباب و شغل الضو....شاف صورها منثورة بكل مكان و لوحات الها هو رسمها...شغل اغنيتو وحضن وحدة من الصور و قعد يسمع......

راحو....
متل الحلم راحو
سهل حور و جنت رياحو
حن و ابكي يا تلج صنين
و توجعو عالشوك يا حساسين
الزهر عم يقصف جناحو
و راحو.....
كان هون و طار رف العصافير الربيعية
و متل شي بيدر فضي
وصوات ما الها عدد
غنت و سكتت للابد
و راحو....

مسح دمعة نزلت من عينو...حضن الصورة اكتر ونام/

جوري:مرت عمي شو وين اياد مالي شايفتو

سماح:بمكتبو حبيبتي من الضهر

جوري:طيب رح اطلع اندهلو عالعشا

سماح:يلا حبيبتي

زمرد:يا الله ما اطيب قلبها هالبنت

طلعت:فكرك اخوكي بيستاهلها!...اخوكي عم يعمل جهدو ليخسرها لك بنتي

زمرد:لا الله لا يقدر

طلعت:ايه...الله لا يقدر

/نقرت جوري عالباب قبل ماتفوت و استغربت عدم وجود اياد بالمكتب....وقفت لحظة وتأكدت من الصوت
نفس الاغنية....وصوت فيروز عم يتردد بالمكان...خلص تأكدت انو هون مصدر الاغنية...بس من وين
حاولت تركز لتعرف مصدر الصوت...قربت باتجاه اللوحة يلي وراها الباب...حست انو هاد هو مصدر الصوت
سمعت صوت سماح عم تندهلا من تحت...ركدت بسرعة والموضوع علق بذهنها وحست انو خلص رح تفك هاللغز يلي محيرها/

طلعت:شو عمي مالقيتي اياد

جوري:لا مالقيتو

سماح:غريبة مع انو قال انو بالمكتب وماشفتو طلع

طلعت:خلص بسيطة بس يجي بيتغدا لحالو تفضلو قبل مايبرد الاكل

سماح:يلا تفضلو

/المسا..كانت جوري عم تكتب مذكراتها

ماهذا الحب الذي يتملكني؟..ماهذه المشاعر
كيف احب واكرهك بنفس الوقت...احب لؤمك و قسوتك
احب كلامك الجارح...احب دموعي لانها بسببك...احبك واكرهك ..يامن لمست شغاف قلبي...و جعلت لنبضي ذلك الايقاع
لا ادري مالذي جعلني اهواك.....و كأن فيروز اختصرت حكايتي معك عندما قالت

اهواك..اهواك...اهواك بلا امل......و عيونك تبسم لي
و ورودك تغريني ......بشهيات القبل
اهواك و لي قلب........بغرامك يلتهب
تدنيه فيقترب...........تقصيه فيغترب
في الظلمة يكتئب.....و يهدهده التعب
فيذوب و ينسكب......كالدمع من المقل
فيسألني القمر..............ياحلوة مالخبر
يا بدر انا السبب...........احببت بلا امل

/سكرت الدفتر ومسحت دموعها...حاسة الحب يلي جواتها رح يخنقها شي يوم/

(نقر اياد الباب)

جوري:تفضلي

اياد:وصلت معك تقوليلي تفضلي

جوري:انت!...(بارتباك)شو بدك

اياد:جاية قلك كلمتين

جوري:عم اسمعك

اياد:انا اسف عاللي صار اليوم

جوري:شو صار؟

اياد:يعني لاني بستك...ماسيطرت ع افعالي...معلش عذريني

جوريانصدمت وفتحت عيونها على وسعهن)اسف!

اياد:اي اسف...رح حاول اضبط اعصابي اكتر

جوري:طلاع لبرا

اياد:جوري انا__

جوري:خلص طلاع عم قلك وصلت الفكرة

اياد:طيب عن اذنك

/انهارت جوري بعد ماطلع اياد/
جوري(تبكي):لك حتى احلا شي طلعت اسف عليه...لك مابدك شي يسعدني....قلبي عم يوجعنيييييي(صارت تبكي و تشهق) ايااااااااد......ارحمني اياد ارحمنيييي
لك ااااه

تاني يوم فاقت جوري عيونها مورمين من البكا...نطرت لطلع اياد من البيت و راحت لغرفة المكتب وقفلت الباب عليها...و راحت فورا باتجاه اللوحة زاحتها و شافت الباب...حاولت تفتحو بس كان مقفول...راحت جابت سكين و حاولت تخلع القفل...اخد منها وقت وجهد لحتى فتح ولما دخلت عالغرفة اندهشت بكم الرسمات المرميين عالارض و الطاولة و الكرسي...وحتى الصور كانو كتير كتار...نزلت عالارض و بلشت تقلب الصور و الرسمات كلهن لنفس البنت...مرسومة و مصورة بكل حركة...لقت كونترول لمسجلة محطوطة عجنب...شغلتا و بلشت.اغنية فيروز. راحو.....تقريبا وضحت الصورة عندها...اياد بيحب هي البنت لهيك ماتقبل وجود جوري بحياتو وقسي عليها وهي البنت تركتو لسبب من الاسباب...لفت نظرها انو هي غرفة نوم...فيها تخت و خزانة...فتحت الخزانة و شافت تياب نسواني....مابس تياب..حتى لانجري معناها اياد كان متزوجها لهالبنت و مخبي على جوري واهلها...وحتى اهلو بيعرفو لان للغرفة بالبيت نفسو..من الصدمة ماعرفت شو تعمل..تبكي ولاتعصب و لا شو...بس لمعت براسها فكرة رح تخلي اياد يجن منها...وبعدها رح تتركلو البيت/

/في المساء/

جوري:الو....كيفك اياد..ممكن بس تجي من شغلك تطلع لعندي عالغرفة عايزتك بموضوع مهم...اوك...ناطرتك

#يتبع...

 

[صفا النعمان]

#أهواك_بلا_أمل
#بقلم_فيلوفوبيا

#الجزء_الرابع

/نقر اياد عالباب/
جوري:تفضل

اياد:احم...مسالخ...../فرك عيونو ليتأكد من يلي شايفو/

جوري/بارمة ضهرها/:تفضل...مسالخير

ايادبارتباك)جووري!!

جوري(برمت ضهرها لعند اياد)هههههه...اي جوري...عجبك النيولوك؟!

اياد:انتي من وين جبتي قميص النوم هاد؟

جوري:هه حلو؟

اياد:جوري!لا تعصبيني

جوري:طيب شو رأيك بمفرش التخت!

ايادطلع بالتخت وشاف المفرش يلي حافظو منيح)
شوعاملة!....(بعيط)احكي شو عاملة!

جوري:اممممم....وهاد العطر...كتير حلوة ريحتو موهيك

ايادبعصبية)انتي دخلتي عالغرفة!كيف دخلتي كيييف

جوري:هه دخلت حبيبي دخلت...وشفت كل شي مخبيه عني..(راحت باتجاه طاولة و مسكت رسمات اياد)...شفت هدول...(بلشت ترمي الورق بالهوا وحدة ورا التانية)...هي...وهي...وهي...كلهن انا شفتن...شفت التياب و الغراض يلي بتخصها...و الاغنية...(صارت تغني والغصة بحلقها)رااااحو......متل الحلم..راااحو

اياد:لك انتي مين سمحلك!(قرب منها لياخد الورق من ايدها)

جوري(بتصرخ)بعد عني!!بعد احسن ما مزقهن كلهن....بعد والله بحرقهن و بحرق حالي

اياد:طيب...بعدت بس لا تعملي فيهن شي(فرك جبينو بتوتر وعيونو عالرسمات)...شو بدك احكي

جوري:طلعت رسام يا اياد...ماكنت بعرفك موهوب هيك

ايادبيصرخ)لك شو بدك!

جوري(تبكي)مين هي!...مين هي يلي كرمالها ماعم تقدر تطلع فيني...مين هي يلي كرمالها حرقت قلبي...مين هي بدي اعرف مين!

اياد:اوووف....هي مرتي...ارتحتي هيك

جوري:وليش مانها معك!

اياد:لان ماتت(قعد عالارض متل المهزوم و بلش يحكي قصتو مع ريم)
كانت متل الوردة...كنا ندرس سوا وقت حبيتها...ضليت وراها لحتى حبتني....عشنا قصة حب الجامعة كلها حكت فيها...رحت لاخطبها مرة و 2 و3 بس ابوها رفض...رفض لان الو عداوة مع ابي...ماكان في حل غير نتزوج خطيفة
وبليلة مافيها ضو قمر....هربت من بيت اهلها و تركنا البلد و تزوجنا...سنتين...كانو احلا ايام بعمري...بعد سنتين قالت بدا ترجع لان شتاقت لاهلها..حاولت امنعها بس ماقبلت...و رجعنا عبيت اهلي...ماكنت عرفان انو اخواتها كانو جانين على مايلاقوها..و بعد اسبوع واحد من رجعتنا....راحت برجليها لعند اهلها....كنت ماشي وراها من غير ماتحس...راحت لعندهن...استقبلوها بالضرب و الاهانات...ابوها و اخواتها...ماقدرت اتحمل و ركدت لعندها خلصها من بين ايديهن...مسكوني وضربوني حتى تكسرت...اخر شي...ثبتوني...و قوصوها ادام عيوني...ادام عيوني شفتها عم تموت...غرقو تيابها بالدم
و هنه غسلو عارهن..كانو رح يقتلوني..لوما ابي دفعلهن دية شرفهن....دفنوها وماعرفت وين...اخدوها مني للابد
(مسح دموعو)راحت و تركتلي تيابها و غراضها و صورها يعذبوني...لهيك خبيتهن بهالغرفة لان مابدي حدا يلمسهن بعدا...وجيتي انتي يلي اهلي جبروني اتزوجك
بغباءك...وسذاجتك...فتحتي الغرفة ولمستي تيابها يلي بعدهن عحطة ايدها...و رشيتي من عطرها...شو بدك جوري!...احكي شو بدك....

جوري:يعني بتحبها لهلأ!

اياد:طبعا...ولابحياتي رح حب غيرها...ولا رح خونها طول عمري

جوري:وانا؟!

اياد:انتي مابتعنيلي شي...صح تزوجتك ادام الناس..بس بقلبي ما الك مطرح...ريم اخدة قلبي و روحي وعقلي...ومارح حب غيرها لحتى موت

جوريتبكي)هه...انا...انا غبية مابفهم...(قعدت عالارض...وطالعت ولاعة ...حطت الرسومات ادامها..وبلشت تحرقهن)

اياد:لك مجنونة..شو عم تعملي يامجنونة(قرب لياخد الولاعة و الورق من ايدها)

جوريبتصرخ)بعد!!!لاتقرب...اوعى تقرب والله بحرق حالي...بعد

اياد:جوري!بترجاكي...بترجااكي...لاتحرقي صورها لاتحرقين بترجاكي

جوريتبكي)لك انت حرقت قلبي حرقت روحي وبدك ياني ما احرق صورها....هيه ماتت..مااتت بس انا عايشة
تاركني اتعذب معك...تارك قلبي يدوب متل الشمع و انت مو حاسس...انا روحي تمزقت و انا عامي عيونك عني
انا بحبك...بحبك ليش ماعم تفهم...هههه بس خلص ماعاد يفيد هالحكي..انت مو الي وبحياتك مارح تكون الي(كملت حرق الصور و الرسومات)

ايادبيصرخ)خلص!!!لابقا تحرقي...خلص!!!

جوري(تبكي)اهواااك....اهواااك...اهواااك بلا امل
(شغلت ورقة و رمتها عالتخت و بلش المفرش يحترق)
و عيونك تبسم لي....(صارت تبكي و تشهق قعدت عالارض و شغلت فستانها و بلشت النار تاكلو بسرعة رهيبة...وهي عم تبكي والنار بلشت تاكل الغرفة)

ايادبعيط)جوري!!...(ركد باتجاه الخزانة و طلع بطانية و ركد لعند جوري ولفها فيها كرمال يطفي النار عنها...وهيه كان مغمي عليها من الوجع....طلعها برات الغرفة و جاب طفاية حريق وطفا الحريق يلي اكل التخت و الارض...وكل صور ورسمات ريم....اسعف جوري واتصل بأهلو يلي كانو برات البيت حتى يروحو عالمشفى)

/بالمشفى/
طلعت:شو طمنا دكتور

الدكتور:الحمدلله عسلامتها....للاسف الحروق من الدرجة التانية و التالتة بس الحمدلله مو واصل شي لوجهها بس تقريبا 40%من جسمها احترق...بدها تبقى فترة بينما نعالج الحروق

اياد:فينا نشوفها!

الدكتور:هلأ رح ننقلها عغرفة مستقلة فيكن تشوفوها...عطيناها مسكنات قوية
لتبقى نايمة كرمال ماتحس بألم الحروق

طلعت:شكرا كتير دكتور

الدكتور:بالاذن

طلعت:شو اياد افندي مبسوط هلأ!...هي البنت حرقت حالها من قهرها منك...شو ناطر تعمل بحالها رح تفيق عحالك وتطلع فيها بقا

اياد:ابي الله يخليك!والله انا ماا

طلعت:خلص سكوت...امشي سماح نشوف البنت وين غرفتها..يلا بنتي يلا وانت روح خود ورشة تصليح عالبيت شوف شوفيهن يعملو

اياد:بس لازم شوف جوري...لازم احكيها

طلعت:روح هلأ وبعدين بتشوفها يلا مع السلامة

/بالغرفة عند جوري/
زمرد:جوري حبيبتي انتي صاحية!

جوري(عم تأن):امم...امممم

سماح:تركيها ترتاح امي بعدين بتحكيها

/بعد يومين/
سماح:يلا ياعمري كلي من ايدي

جوري:تركوني كرمال الله انا تعبانة

سماح:لك ياجوري صرلك من مبارح بلا اكل كلي من ايدي

جوريتبكي)مابدي شي...مابدي شي بس خدوني عند امي

زمرد:ياعمري انتي كم يوم و بتتخرجي وبتروحي لبيت اهلك

/اندق الباب/
سماح:تفضل!

اياد:مرحبا...ممكن فوت

جوري:طلاع برا

اياد:خلينا نحكي كلمتين وبعدا بروح

سماح:معلش حبيبتي سمعي منو وبعدها شومابدك تعملي اعملي

زمرد:اي جوري سمعي من اياد

جوري:تفضل عم اسمعك

اياد:امي لو سمحتي..بعد اذنك(غمزها لتطلع هيه و زمرد)

سماح:اه؟طيب حبيبي....يلا زمرد خلينا ننزل نشرب شي

/قرب من جوري و قعد على طرف التخت/
اياد:ليش هيك عملتي؟

جوريدمعو عيونها و برمت وجهها لتاني جهة)

اياد:حكيني جوري

جوري:شوبدك!

اياد:كان ضروري تحرقي حالك يعني

جوري:اي كان ضروري شو بدك لسا

اياد:طلعي فيني...طلعي بعيوني

جوري(برمت وجهها والدموع مغرقة عيونها)طلعت شو بدك

اياد:منيح مااحترق وجهك الحلو(ابتسم و مسح دمعتها)

جوري:شيل ايدك....هي شفقتك مابدي ياها

اياد:جوري..انا ظلمتك معي..شوبدك انا جاهز شوفي شو بيرضيكي لاعمل

جوري:بدي اتطلق

اياد:انتي متأكدة!اذا هالشي بيرضيكي انا مستعد من بكرا طلقك

جوري(صرخت)لك انت ليش مابتفهم!ليش مافيك احساس فهمني(صارت تبكي)لك انا حرقت حالي كرمالك...لك شوهت جسمي كرمالك...وماحنيت..وماحن قلبك....لك اياد...(مسكتو من كتافو وهزتو)لك حس فيني بترجاك...حس فيني بترجااااك
(شلفت الشرشف عنها وبينو رجليها كيف محروقين)لك شوف جسمي...شوف رجليي كيف احترقو وتشوهو
شوف ايديي...شوبدي اعمل لتحس فيني...شو اعمل قلي كرمال الله..بس حس فيني شوي

اياد(تجمد اياد لما شاف حروق جوري وكيف عم تبكي بس ماقدر يحكي ولاكلمة)

جوري:لك احكي شي...ليش ساكت فهمني ليش ساكت
ريم ماتت....ماتت وياريتني انا متت كمان حتى اخلص وارتاح

اياد:ششش(حضنها على صدرو ومسح على شعرها)ماتحكي هيك...ماتحكي هيك يابنتي

جوريانتفضت من حضنو وبعدت)مابقا تقلي بنتي!...انا موبنتك عم تفهم !!

اياد:متل مابدك

جوري:بدي روح عبيت اهلي...بدي بعد عنك ماعاد بدي شوفك كل عمري

اياد:متل مابدك..بسس بدي قلك..انا حكيت اهلك و امك مو موجودة بالبيت

جوري:وينها؟

اياد:سافرت لبيت جدك...بعدما....

جوري:شو...احكي

اياد:طلقها ابوكي...ف اذا بتحبي تبقي بييت اهلي..او تروحي لبيت اهلك

جوري:لا بدي روح عند ابي....بيضل ابي احن منك

اياد:وخالتك مرت ابوكي؟

جوري:مارح تاكلني

اياد:طيب...براحتك...انا ببعتلك غراضك لعند ابوكي...وفكري شو بدك نعمل...بدك نطلق او نعطي حالنا فرصة ونبلش من جديد

جوري:لك انت بحياتك مارح تحبني...انا بدي اتطلق..مابدي ياك...بدي عيش مع بني ادم يحبني بس يحبني....الله يرحم مين قال...اعتزل مايؤذيك
ماقال اتحملو...قال اعتزلو و انت اكتر حدا اذاني و انا مابقا بدي ياك

اياد:طيب اهدي..مارح اجبرك على شي..انا رايح هلأ بخاطرك

جوري:ما ابردك...ما ابرد دمك...طلاع...نقلع..طلاع
(و انهارت عالمخدة و رجعت تبكي و تشهق)

/نزل اياد لعند امو/
سماح:شو ابني...شو صار معك

اياد:منهارة كتير...ماقبلت ترجع عالبيت بدا ترجع لعند ابوها

سماح:معلش ابني بتروح فترة و بترجع...جوري بتحبك مارح تقدر تبعد كتير

اياد:طيب...انا رايح عالبيت

/بعد 15 يوم تعافت حروق جوري و تخرجت من المشفى و اخدها اياد على بيت ابوها/
ابو حسن(والد جوري):شو صهري بلاقيك جايب البنت

اياد:اي عمي جوري تعبانة و بدها تبقى فترة عنكن

ابو حسن:بس ماتكون بدك تطلقها...شوعاملة معك هالحيوانة

اياد:لا لا مافي شي من هالشي..ماعاملة شي...بس نحنا اختلفتا وجبتا ترتاح عنكن فترة

ابو حسن:طيب...متل مابدك صهري..بس عميل حسابك مابتطول ها..كم يوم

اياد:هو هيك كم يوم بس...يلا جوري فوتي

ابوحسن:فوتي...الله يسود وجهك...نقبري

اياد:معلش عمي جوري تعبانة لاتقسو عليها...انا عم جهز بيت النا لحالنا خليها عنكن بينما يجهز البيت...انا مخلي معها مصاري تكفيها...يلا بالاذن

/دخلت جوري عالبيت....بيت عربي قديم بأرض ديار صغيرة و بحرة بنص باحة البيت... مشيت باتجاه غرفتها بس وقفها صوت انصاف...خالتها مرت ابوها/
انصاف:شوووو....الحمدلله عالسلامة..ماطولتي الغيبة

جوري:اهلين خالتي

انصاف:لا اهلين و لا سهلين...نقبري غيري تياب الاكابر ولبسي تياب

الشغل وتعي الجلي عم يناديلك....(رفعت حاجبها)شايفتك سكتي....ليكون ماعجبك!...شكلك تعودتي على عيشة الاكابر...يلا يلا انقبري عالشغل

/كانت انصاف بشعة بكل معنى الكلمة...ولان ام جوري هيه الزوجة التانية..كان لانصاف الافضلية عند ابوها
رجعت جوري لشغل البيت...للتنضيف و الجلي و الغسيل و الطبخ...استخدمتها انصاف بدون رحمة ولا شفقة ولاحتى اهتمت للحروق يلي بجسمها...كانت عامية عيون ابوها عنها..جوري رجعت لهالبيت عن قصد...فكرت انو ظلم انصاف رح ينسيها ظلم اياد و قسوتو و برودو...فكرت البعد بيطفي الحب وماعرفت انو البعيد عن العين...بيعشقو القلب اكتر/

#يتبع..

 

[صفا النعمان]

#أهواك_بلا_أمل
#بقلم_فيلوفوبيا

#الجزء_الخامس

/مرقت الشهور و الايام...و جوري لسى عم تخدم ببيت ابوها...و اياد ما دخل غرفة جوري من يوم طلعت منها
و لان زمرد رايحة تعملا زيارة...قرر يدخل و يبعتلا كم قطعة تياب...لان ماوفا بوعدو ومابعت تيابها....دخل الغرفة يلي ريحة الحريق معششة فيها...رغم انها ترممت و اندهنت بس لسا ريحة النار ماطلعت منها...لاول مرة فتح خزانة جوري و طالع كم قطعة تياب
ريحتها بكل قطعة عم تعبق وعم تحرك جواتو مشاعر اندفنت من سنين...لفت نظرو دفتر صغير على رف الخزانة...نزلو وقعد يقرأ مذكرات جوري..من اول يوم دخلت على هالبيت...لاخر يوم...يوم الحريق!

يوم الخميس...

اكرهها....اكرهها...و لوكانت امامي لقتلتها...اكره ابتسامتها
اكره عينيها السوداوين...اكره شعرها المموج...اكرهها
واكره حبك لها...اكره عينيك انت ايضا...اكرههما لانها لاتريان سواها...واليوم سأحرق ذكراها..صورها..رسوماتها...ابتسامتها...سأحرقها و أحرق نفسي...عل الحب الذي يسكنني يحرق!...عل النار تطاله و تحرقه كما احرقني و اذابني...
الالم يعتصر قلبي...ك أم ثكلى...و طفل يتيم..كبيت مهجور...كوردة ذبلت بيد عاشق..الالم يعتصرني و حبك يسحقني..يسحقني ولايبقي على شيء مني
في النهاية....
احبك اياد

/غمض عيونو...وحس برعشة بقلبو و بأصابع ايديه
كيف ممكن لبنت صغيرة تحب هيك!...
سكر الدفتر و خباه بين تيابو...طوى تياب جوري وحطهن بشنتة صغيرة مع مبلغ مالي و عطاهن لزمرد....
رغم انشغالو بكتير امور...بس الرعشة بقيت ملازمة قلبو
نبضات قلبو تخربطت... و ايقاع الحزن طلع عن النوتة
الكلام يلي قرأو اثر فيه...وانطبع بذاكرتو
بكل حركة كان عم يشوف كلمات جوري... وريحة عطرها يلي عبقت بأنفاسو....المشاعر يلي ماتت من سنين رجعتلا الحياة...حس بالدم الدافي بعروقو ....كأنو قرأ تعويذة...و اخدت مفعولها عليه بمجرد انتهاءو منها/

/ببيت جوري/
ابو حسن:طولتي يابي...ايمتا جاية جوزك ياخدك صرلك كم شهر عنا؟

انصاف:شوبدك بالبنت ابو حسن بشو عم تدايقنا...بكفي حاملة شغل البيت عني و مصروفها عم يجي كل اول شهر خليها عم تنفع ماعم تضر

ابو حسن:اي بس....

انصاف:لا بس ولا شي...قومي جوري قومي عمليلنا فنجانين قهوة انا و ابوكي وعلقي عالطبخة

جوري:حاضر
/طلعت على ارض الديار...لقت المطر عم يهطل...فكرت ايديها ببعض لتدفيهن...ركدت عالمطبخ وحطت ركوة القهوة....و بلشت تقطيع الخضروات...وقت سمعت الباب اندق...راحت لتفتح الباب/
زمرد:مرحبا ياحلوة

جوري:زمرد!(عانقتها...وحست فيها ريحة اياد)اشتقتلك كتير

زمرد:و انا كمان حبيبتي

جوري:تفضلي...فوتي

زمرد:لا معلش مستعجلة شوي...هي شنتة فيها كم قطعة تياب الك و مصاري بعتهن اياد

جوري:يسلمو ايديكي عزبتك بس هون ماصفيان عندي تياب منيحة

زمرد:الله يسامحك...على فكرة اياد هو وضبلك الشنتة(غمزتها)يلا انا بدي امشي...سلام

جوري:خليكي شوي(مسكت ايديها)

زمرد:غير مرة حبيبتي(طلعت بايديها وشهقت)ليش هيك ايديكي زرق!

جوري:مافي شي من البرد بس

زمرد:تعالي معي جوري...رجعي لبيتك...لاترجعي لاياد بس رجعي عيشي معنا الله يخليكي

جوري(تنهدت و نزلت راسها)...ياريت لوبقدر....بس مافيني اجتمع مع اياد بنفس المكان و انا بعرف انو افكارو و عقلو مع غيري...معلش زمرد شكلهن مياتي خلصو ببيتكن

زمرد:طيب ياعمري مارح اضغط عليكي...بدك شي مني

جوري:سلامة قلبك..مع السلامة
/سكرت الباب و حضنت الشنتة يلي لمستها ايدين اياد...حضنتها كأنو عم تدور على ريحتو فيها...ودخلت لجوا لعند ابوها وخالتها/

انصاف:شو مين كان عالباب

جوري:هي زمرد اخت اياد

انصاف:شو جايبتلك بهالشنتة؟!هاتي لشوف

جوري:هدول تيابي وشوية مصاري من اياد

انصاف:بالله..هاتي هاتي لشوف عندي عرس هاليومين

جوري:بس

انصاف(عقدت حواجبها بجوري)بس شو

جوري:ولا شي بس انا ماعندي تياب تدفيني

انصاف:اي بعطيكي من تيابي لا تخافي...هاتي لعد هالمصاري مبين مكترهن هالمرة

جوري:خالتي خدي المصاري وتركيلي التياب البسهن

انصاف:بالله شو!!!لا حبيبتي...المصاري و التياب صارو الي..ولا شو اب حسن

ابو حسن:اي لكن...خلص ابي بتلبسي من تياب خالتك....خالتك لازمها كم قطعة جدد

انصاف:يلا لكن قايمة جربهن....قومي نقلعي نامي بغرفتك

جوري:والله غرفتي باردة خلوني هون بنام جنب اخواتي

انصاف:لا حبيبتي على غرفتك يلا...لاتخليني ولج ابوكي عليكي

جوري(حكت و الكسرة بصوتها و بحلقها)متل مابدك...تصبحو على خير

/راحت على غرفتها...تمددت عالفرشة الممدودة عالارض وحضنت مخدتها وبكيت....شو ذنبها لتدوق كل هالحزن بحياتها..كلو بسبب اياد يلي راميها و مو سائل عنها/

/ببيت اياد على العشاء كانو الكل مجتمعين و اياد عم يسمع باهتمام حديث امو و اختو/
سماح:شو زمرد كيف شفتيلي جوري؟

زمرد:والله تعبانة يا امي....تيابها مهرية و ووجها تعبان تخيلي ايديها مزرقين من البرد

اياد(طلع بزمرد باستغراب)مزرقين!!....ليش يعني ماعم تدفي حالها؟

زمرد:مابعرف بس شكلا خالتها عم تقسى عليها بشغل البيت

ايادتنهد ومسح تمو و قام عن الاكل)دايمة

زمرد:اخي...كرمالي رجع جوري عالبيت...حرام هيه كتير عم تنظلم عند خالتا

اياد:نشالله اختي نشالله...يلا بالاذن

/طلع على مكتبو...و طالع من الدرج ورقة و قلم الفحم و لاول مرة بيحاول يرسم جوري....غمض عيونو ليسترجع ملامحها بمخيلتو...فورا شاف ضحكتها...شاف عيونها كيف بيلمعو لما تشوفو...شاف شعرها الاحمر...وبشرتها البيضا كتير..عيونها العسلي و خدودها يلي متل التفاح
فتح عيونو وبلش يخط الخطوط الاساسية...وبدون احساس غرق بالرسم كأنو انفصل لعالم تاني...خلص اول رسمة وبلش برسمة تانية و تالتة و رابعة....وبس خلص انذهل كيف ماكان منتبه على حالو و هو عم يرسم كل هالرسمات....رفع ايديه و سند راسو عليهن و حس بشوق كبير الها...حس برغبة انو يحضنها و يشم ريحتها
مامعقول كيف انقلبت مشاعرو تجاهها من التجاهل والقسوة...للحب..ومو أي حب...حب عم يمتلكو يوم عن يوم..وعم يزيد جواتو بكل لحظة...و اخد قرار انو جوري لازم ترجع على هاد البيت و بأسرع وقت/

/بعد يومين/
طلعت:شو ابني خلص المرسم؟!

اياد:اي خلص....صارت الفوتة عليه بتشرح الصدر...جبت كل شي بيلزمني وماباقي الا بلش رسم

طلعت:لازم تخلص بسرعة ها مامعنا وقت

اياد:ماتاكل هم نشالله كم يوم و بخلص

سماح:و انا نزلت مع زمرد وشترينا كم قطعة ديكور جدد
و رح ننزل انا و اياد نختار غرفة نوم جديدة كمان

طلعت:كتير منيح و انا عليي ادفع ماهيك

(ضحكو الكل...و اذ بيسمعو صوت جرس البيت...وبيتفاجئو بالزائر يلي جاية لعندهن)

طلعت:اهلا وسهلا تفضلي

سماحبارتباك)اهلين....اهلا وسهلا...تفضلي ارتاحي

وفا:ءشكرا كتير؛كيفك اياد؟

اياد:تمام...الحمدلله..كيفك انتي مرت عمي

وفاء(تنهدت)الحمدلله..ماشي حالي...انا جاية كرمال بنتي...فينا نحكي عانفراد؟

اياد:اي اكيد تفضلي.

/بغرفة الضيوف/

اياد:خير جوري فيها شي؟!

وفاء:لا ابدا...بس جاية احكي معك انت...بعرف انو كلامي مافي ام بتحكيه..بس يا اياد بدي ياك ترجع جوري لعندك...انا متأكدة انو انصاف عم تعمل فيها يلي مابينعمل...بدي ياك ترجعها على بيتك..وتعيشها معك بأمان و راحة بال مابدي بنتي تنظلم متل ما انا نظلمت مع ابوها

اياد:بس يامرت عمي بنتك هيه يلي تركتني وماقبلت ترجعلي وهيه يلي اصرت تروح عبيت ابوها

وفاء:شو عملتلا حتى حرقت حالها؟!

اياد:مين حكالك انها حرقت حالها!

وفاء:انا حكيتها من مدة طبعا بدون علم ابوها وخالتها...و حكتلي انها حرقت حالها

اياد:يا مرت عمي القصة ومافيها انو انا كنت متزوج قبل جوري و انتو ماعنكن علم....ولما جوري شافت صور مرتي و تيابها جنت و حرقت حالها

وفاء:بس هيك؟؟

ايادبارتباك)اي بس هيك مافي شي تاني

وفاء:اااه....انا يلي خلاتي انظلم بحياتي اني حبيت رجال في بحياتو مرة تانية...هاد الشي دوقني المر...وشكلو حظ بنتي متل حظي

اياد:لا مرت عمي...انا...انا بحبا لجوري ورح رجعها..صح كنت متزوح بس مرتي ماتت...هلأ جوري اخدة محلها..ومارح اسمح انها تبقى بعيدة عني

وفاء:هاد يلي بدي ياه منك...بدي تحن عليها..وتحبها وتحافظ عليها...جوري لسا صغيرة...احتويها اياد..اد مافيك احتويها

اياد:ماتاكلي هم...هنه بس كم يوم و رايح جيبها

وفاء:هيك انا قلبي تطمن...فيني سافر و انا مرتاحة انو بنتي بين ايدين امينة

اياد:لوين مسافرة؟

وفاء:لعند اخي عالجزائر...اهلي بدهن يبعتوني كرمال ابعد عن ابو حسن و عن انصاف واذاها

اياد:تروحي و ترجعي بالسلامة

وفاء:الله يسلمك...بدي روح ودع جوري وبعدها اطلع

اياد:طيب انا بوصلك

وفاء:مابدي عزبك

اياد:لاعزاب ولا شي اساسا انا مشتاق لجوري...ثواني بجيب مفتاح السيارة و بجي

وفاء:طيب

/ببيت جوري/

انصاف:شو ياخانم خلصتي شغلك حتى قاعدة

جوري:اي خالتي خلصت

انصاف:اي لا ماخلصتي عندك غسيل

جوري:بس ياخالتي من يومين غسلت لسا

انصاف:و هلأ بدك تنقبري تغسلي يلا لشوف

جوري:بس انا بردانة..خليني اتدفا شوي

انصاف:خلصي غسيل وبعدها تدفي

جوري:لك الله عكل ظالم

انصاف:اي يلا يلا خرسي و انقبري عشغلك

/لملمت جوري التياب الوسخة و شغلت الغسالة العادية و بلشت تغسل وتعصر بالتياب و الدنيا عز البرد/

انصاف:ياجوري..تعي لقلك

جوري:خير

انصاف:شوفي...اذا جوزك مابقا بدو ياكي خلي يطلقك و يعطينا مقدمك و مأخرك...لانو جارتنا ام ممدوح بدا تاخدك لابنا ممدوح...شوفي حاكي جوزك و خلي يطلقك ويعطينا حقوقك

جوري:نشالله خالتي...ببقا بحكيلك معو

انصاف:روحي فتحي الباب روحي وسكر باب هالغرفة بردتيني

جوري(خبطت الباب و راحت تفتح باب البيت...وتفاجئت لما شافت امها و اياد عالباب....فورا حضنت امها وصارت تبكي)امي!!!.(تبكي)..تؤبريني يا امي..تؤبريني شو شتقتلك

وفاء: وانا اكتر يا عمري....تؤبري قلبي(بعدتها عنها و مسكت وجهها بايديها)...كيفك ياعمري...نشالله ماعم تعزبك انصاف

جوري:انصاف وبتعرفيها...انتي كيفك ليش ماعم تزوريني

وفاء:والله بيت جدك ماسمحولي اطلع من البيت لخلصت العدة...قوليلي امي..ابوكي عم يضربك شي!

جوري(مسحت دموعها وابتسمت)لا...مكتفي بالبهادل حاليا
وفاء:الله ياخدها هالانصاف...عن قريب نشالله

جوري:ههههه امين

/كان اياد واقف وحاطط ايديه بجيبو و مكتفي بالصمت و مراقبة جوري كيف عم تحكي وشوفة فرحتها بلقاء امها...وبعد نص ساعة من الوقفة وبعد ماحكت جوري لامها كل شي عم يصير وبعد ماخبرت وفاء جوري انها مسافرة طلع عن سكوتو وحكا /

اياد:كيفك جوري؟!

جوريبلعت ريقها بصعوبة و حكت)منيحة

اياد:سمعت انك عم تبردي كتير هون

جوري:معلش مالي متدايقة

وفاء:صحي امي وين تيابك يلي شتريناهن وقت عرسك

جوري:لساتن ببيت حمايي

اياد:بس بعتلك كم قطعة من فترة

جوري:اي.....اخدتهن انصاف

ايادبعصبية)....لك يلعن......(بيعيط)لك.ليش ماتصلتي فيني اجي اخدك من.عند هال.....(غمض عيونو وتنهد)هالانسانة

وفاء:طول بالك اياد بسيطة بكرا بتاخدها
يلا امي انا بدي امشي..بحكي معك قبل ماسافر

جورياستغربت جوري.من.ردة فعل اياد و بقيت ساكتة)______ خديني معك امي كرمال الله

وفاء:بس انتي عندك زوجك هون...وبيت حماكي يلي بيحبوكي

جوري:ماحدا بيحبني غيرك كرمال الله خديني

وفاء(طلعت بأياد و حكت)اياد....اذا بدك تطلق جوري قلي مشان زبط وراقها و طلعها معي

(طلع اياد بجوري وحس عيونها عم تترجاه يخليها تسافر مع امها...بس مارح يقدر يخليها تبعد...مو بعد ما حبها و صار يتمنى قربها)

اياد:لا مرت عمي...جوري رح تبقى هون انا مابدي طلقها

وفاء:سمعتي..مابقدر اخدك معي...لانك لساتك تحت السن القانوني...و اياد هو الوصي عليكي...خليكي هون و زوجك اولى فيكي ياعمري...انا مالي دايمتلك بس زوجك هو يلي دايملك...وهو رح يهتم فيكي بغيابي..موهيك اياد

اياد:اكيد

وفاء:يلا ياعمري انا ماشية هلأ...وبحكي معك قبل ماسافر...بخاطرك حبيبتي

جوري:مع السلامة...الله معك

/سكرت جوري الباب و انهارت عالارض وهيه عم تبكي..حست حالها وحيدة بهالدنيا بعد ماتركتها امها..بكيت من كل قلبها على حالها... وطلبت من الله الفرج/

 

[صفا النعمان]

#أهواك_بلا_أمل
#بقلم_فيلوفوبيا

#انتهت ??????

الجزء السادس

/سافرت وفاء بعد اسبوع و راحت ودعت جوري
و اياد جهز كل امورو و استعد ليرجع جوري عالبيت...و بيوم من ايام كانون...و التلج معبي الدنيا راح اياد لعند جوري كرمال يجيبها عالبيت/

/ببيت جوري/

/طلعت من غرفتها الباردة...لقت التلج معبي ارض الديار
سكون معبي الدنيا...التلج مو متل المطر..التلج هادي و ساكن مافي ضجة ولافيه حركة...بينزل على مهل...وبيلبس الارض توب ابيض...تنفست بعمق وابتسمت...منظر التلج بباخد العقل...مشيت وخطواتها عم تغرق بالتلج...ولما وصلت عالمطبخ سمعت الباب عم يندق...راحت على مهلها وفتحت الباب....شافتو واقف ادامها...لابس سترة سودا...و خدودو محمرين من البرد
وحاطط لفحة لونها ابيض...وعم يطلع بعيونها بدون انقطاع..حست حالها اديش مشتاقتلو...و اديش بحاجتو...حست حالها مستعدة تسامحو وتنسى كل شي...مقابل اشارة صغيرة منو /

اياد:مرحبا

جوري:اهلين

اياد:كيفك اليوم

جوريبتسمت)متل كل يوم

اياد:انا جاية اخدك عالبيت

جوري:وليش بقا

اياد:يعني...فينا نقول..امممم

جوري:احكي

اياد:يعني؛حن قلبي...حنيتلك...عرفت انك قطعة مني..
وعرفت اني ظلمتك...

جوري(تزكرت اللحظة بالمشفى وقت هزتو من كتافو وقالتلو ماحنيت....ماحن قلبك عليي وابتسمت)....حن قلبك!

اياد:اي...حن قلبي...انتي خليتي الحديد يلي مغطي قلبي يلين....رجعتي الدم الدافي لعروقي...و رجعتي الحياة لقلبي و لنبضي...بلحظة وحدة..حسيت حالي حبيتك
لحظة قرأت مذكراتك وعرفت اديشك مخبية حب بقلبك
اديش حبك الي كبير وبيوسع الكون...قرأت مذكراتك بآخر يوم كنتي فيه ببيتي...عرفت انو حبك وصل لمرحلة خرج عن سيطرتك...وخلاكي تحرقي حالك انتقام مني لاني ماحبيتك وقتها....هاد الحب صدقيني انتقل للورق يلي كتبتي عليه...ولما قرأتو صابتني لعنتو...صابتني تعويذتو..ومن وقتها قلبي حن الك...قلبي صار يشتقلك
عيوني صارت تدور عليكي...حتى القلم يلي برسم فيه
عجز يرسم غيرك...رجعيلي جوري...رجعيلي حتى خلي الدنيا كلها تشهد على حبي الك.... بقلبي في حب سنين
كان مدفون جواتي وعلى ايدك شاف النور...رجعيلي خليني عوضك على كل لحظة بكيتك فيها...وعلى كل دمعة نزلتا من عيونك...وعلى كل اه طلعت من صدرك

جوري(دمعو عيونها وماصدقت انها عم تسمع هاد الكلام من اياد)....يعني....يعني بتحبني!

اياد:لك اي بحبك...بحبك...ولك بحبييييييييك

جوري(نزلت عالارض غطت وجهها بايديها وصارت تبكي)

اياد:لك ليش البكا هلأ....(نزل لعندها وشال ايديها عن وجهها و مسح دموعها)...ليش عم تبكي؟!مابدك ياني حبك يعني

جوريتبكي)لك انا ماعم صدق شو عم اسمع

اياد:مبلا صدقي...عم قلك بحبك...صدقييني...وحيااااااااة ربي بحبك

جوري:ههههه

اياد:اي هيك ها....تعالي يابنتي تعالي(مسك ايديها وقفها و حضنها و دار فيها)

جوري:خلص خلص نزلني بخاف

ايادنزلها ومسك ايديها)معي لاتخافي من شي....لك الله ياخد المجنون يلي ماحبك من اول ماشافك...يخرب عقلو شو مجنون...وين كان عقلي قوليلي وين كان

جوري:ههه مابعرف...بس المهم انو رجع

اياد:صح المهم انو رجع...وهلأ امشي عالبيت

جوري:وخالتي...و ابي؟!

اياد:لاتجيبي سيرتهن احسن مافوت اخنقهن...امشي هلأ وانا بحكي مع ابوكي بقلو اخدتك معي

جوري:طيب...لحظة لسكر الباب

اياد:محضرلك مفاجأة بالبيت

جورية:مفاجأة شو؟

اياد:بالبيت بتعرفي يلا بسرعة ركبي بالسيارة

/و لما وصلو عالبيت...سلمت جوري عالكل و اخدتها زمرد على غرفتها....عطتها فستان و عملتلا تسريحة بشعرها و حطتلا مكياج ناعم...و طلعت من الغرفة وقفلت عليها الباب وبعد اكتر من ساعة اجا اياد وفتح الباب وطالع جوري من الغرفة/

جوري:شوفي اياد ليش هيك عملت زمرد

اياد:انا مو قلتلك محضرلك مفاجأة...تفضلي معي

جوري:لوين!

اياد:خلص امشي

جوري:طيب وين اهلك!

اياد:راحو فضولنا الجو(غمزها)....يلا هاتي ايدك و امشي
/مشيو باتجاه المكتب/...غمضي عيونك لشوف.....ايوا.....شاطرة.....يلا فوتي برجلك اليمين

جوري:شو هالحركات...مسكني منيح بلا ما اوقع

اياد:يلا فتحي

/فتحت جوري عيونها وشافت كيف اياد محول المكتب لغرفة نوم جديدة....غرفة كتير كبيرة وحلوة....ومكبر صورة من عرسهن و معلقها ورا التخت ومعبي الارض شموع و ورود/

جوري:شو كل هاد؟

اياد:هاد كلو كرمالك....هديك الغرفة الها ذكرى بشعة عندك بدي ياكي تنسي كل شي بشع مرقتي فيه...بدي نبلش حياة جديدة سوا...ولسا في مفاجأة تانية...امشي معي
/مشيو باتجاه الغرفة المخفية يلي كانت هون انقبض قلب جوري...بس انذهلت لما فتح اياد الباب/

اياد:هي هيه مفاجأتي الك

جوري:مو معقول !!

اياد:انا رميت كل الماضي ورا ضهري...وهي الغرفة حولتا لمرسم....مرسم خاص فيكي...حاولت ارسملك اكبر عدد من اللوحات ومليت الجدران فيهن...وهالمرة ستعملت الالوان...لانك انتي لونتي حياتي..وعطيتيها سحر خاص

جوري:يا الله شو حلوين اللوحات

اياد/قرب منها وحاوط خصرها بايديه/انتي احلى شي صار بحياتي...بنوتي

جوري:هلأ انا بنتك؟!

اياد:لك اي بنتي...بنتي الي لحالي
اوعك تكرهيها لهالكلمة ها

جوري:طيب...بس شو هي اللوحة يلي مغطاية بقماشة

اياد:تفضلي لورجيكي

/برم ضهرها لعندو ومشيو وهو حاضنها...وصلو لعند اللوحة و شال القماشة عنها وظهرت لوحة لطفلة صغيرة
مسك ايد جوري وخلاها تلمس اللوحة../

جوري:شو حلوة!

اياد:هي الطفلة يلي بدي ياها منك...تخيلتا بنفس ملامحك...وبنفس لون شعرك...ونفس لون بشرتك
نفس كل شي فيكي...بدي طفلة بتشبهك جوري

جوريبرمت وجهها وغمزتو وميلت راسها)ليش حضرتك بتحب الاطفال!

اياد:لك بموووت بالاطفال(حضنها ودار فيها وبس نزلها حكى بصوت واطي)على فكرة...هديك الليلة وقت حسيتي بحدا لمس وجهك و شفايفك وجيتي مرعوبة لعندي هاد كان انا(غمزها)

جوري:على فكرة بعرف....وعلى فكرة(مسكت قبة الجاكيت و قربت منو)انا بحبك

/بعد سنة/

جوري:ايااااااااااااد....والله لاقتلك يا ايااااد والله لاقتلك بس اطلع من هوووون

اياد:معلش حبيبي معلش قتليني فداكي/عضتو من ايدو/لك ااااه...تركيني...تركي ايدي

جوري:لك ااااه...عم موووت انا...وينها هي الدكتورة الغبية(صرخت)تعالي ولديني ياااا دكتووورة

الدكتورة:خير خير خير....يلا حبيبتي نشالله نص ساعة زمان و بتخلصي

جوري:سمعوني...والله...والله اذا بتوجع اكتر لاقتلكن كلكن....لك ااااااه....خاصة انت اياااد و الله لاقتلككك

الدكتورة:طلاع لبرا بعد اذنك خلينا نشوف شغلنا

اياد:طيب...طيب

/طلع اياد وبلش يروح ويجي بتوتر وكتير خايف على جوري...قعد على كرسي الانتظار و بلش يهز رجلو بتوتر و يطلع عالساعة كل شوي/

طلعت:شبك لك ابني....تماسك شوي عيب انت رجال

اياد:ابي جوري صغيرة...والله خايف عليها

سماح:هدي حالك هلأ شوي وبتسمع صوت صوت البيبي

اياد:طيب...طيب رح اهدا...انا رايح لجنب غرفة الولادة شو رأيكن

طلعت:لك تعال لهون خلي قلبك قوي مابعرفك هيك

اياد:اووووف..../سند راسو بين ايديه و هز رجليه بتوتر/

/بعد ساعة/
اياد:الحمدلله عسلامتك وسلامة البيبي ياعمري

جوري:الله يسلمك..حبيبي..شوف شو حلوة

اياد:شو بتشبهك...متل امها...قمر

جوري:شو بدنا نسميها؟

اياد:غرام....لانها ثمرة غرامي فيكي(همسلها)
..لك دخيل الله شو بحبك...اخ لو مالنا بالمستشفى بس

#انتهت