ايفےـلےـين
من الاعضاء المؤسسين
من المعروف أن نشاط الغناء من أسهل الطرق وأمتعها بالنسبة للطفل والتى يمكن إستخدامها لإكساب الطفل مجموعه من المفاهيم والمعلومات والقيم
كما إنها وسيله سهله لتنمية مهارات الطفل اللغويه
المجموعه الأولى
أغنية الفواكه
إحنا الفواكه مين زينا مين
فينا معادن وفينا فيتامين
مانجو ومشمش جوافه وبرتقال
وياسلام يا سلام
على الموز واللا الرمان
دغ إحنا كلنا كلنا
كلنا فيتامين
أغنية إشارة المرور
لما نشوف اللون الأحمر
حاسب حاسب إوعى تمر
بعدين ييجى اللون الأصفر
خللى بالك إوعى تمر
ولما تلاقى النور الأخضر
ياللا بسرعه عدى ومر
أغنية معنى السعاده
السعاده إنى أضحك
بس أكون عامل حسابى
إن ماما راضيه عنى
وكمان بابا راضى
وفى مدرستى أنا متفوق
وكمان محبوب وسط أصحابى
أغنيه الأشكال الهندسيه
ضلع وضلع وضلع
يبقوا تلات أضلاع
يبقى معانا مثلث
فى مركب ليها شراع
لف معايا ودور
دايره داير ما يدور
نشوفها فى قلب الورده
وكمان فى طبق بنور
أغنيه عن الأعداد
واحد هو ربى
إثنين بابا وماما
ثلاثه هم إخواتى
أربعه هم أصحابى
خمسه صوابع إيدى
سته إكتوبر عيدى
سبعه أقوم من نومى
ثمانيه أروح مدرستى
تسعه أذاكر درسى
عشره أكون فى سريرى
أغنية النظافه
بالفرشاه والمعجون
أغسل سنانى دول
بالميه والصابون
أغسل إيدى على طول
دى النظافه حلوه
جايه من الإيمان
وبتدينا القوه
بنات وصبيان
أتمنى تكون أعجبتكم
وبإذن الله أقدم لكم مجموعه أخرى